Qazaqstandyq delegasııa quramyna Senat depýtattary Tóleýbek Muqashev, Dýlat Qusdáýletov, Mıhaıl Bortnık, sondaı-aq Májilis depýtattary Svetlana Bychkova men Quralaı Qaraken engen bolatyn.
Berlın sessııasy «EQYU aıasyndaǵy mindettemelerdi oryndaý: parlamentter róli» taqyrybyna arnaldy. 8 shildedegi jalpy otyrys barysynda tarıhı Reıhstag ǵımaratynda Uıymǵa qatysýshy memleketterdiń músheleri EQYU keńistigindegi uzaqqa sozylǵan teke-tirester, Eýropadaǵy kóshi-qon shıelenisteri, terrorızmmen kúres, áıelder quqyqtaryn keńeıtý men olardyń qaqtyǵystardy boldyrmaýǵa jáne ony sheshýge qatysýy sekildi álem qoǵamdastyǵy aldynda turǵan qazirgi zaman qaterlerin talqylady.
EQYU PA sessııasyna qatysýshylar teke-tiresterdi beıbit sheshý, memleketterdiń egemendik teńdigi jáne olardyń aýmaqtyq tutastyǵy, halyqaralyq quqyq erejeleriniń saqtalýymen qatar Uıymnyń qaǵıdalarynan aınymaıtynyn naqtylady.
