Depýtat Qarajal qalasynyń turǵyn úı-kommýnaldyq sharýashylyǵy, jolaýshylar kóligi, avtomobıl joldary qurylys jáne turǵyn úı ınspeksııasy bólimi mekemesinde, №5 mektepte, sý qoımasynda, «О́rken-Atasý» ókildiginiń «О́rken» mekemesinde bolyp, eńbek ujymdarymen kezdesti. R.Ábdikerov «О́rken» mekemesindegi kezdesýi barysynda kásiporynnyń jumysymen tanysyp, óndiriletin kenniń qory jáne ony ıgerý máselelerin kóterdi.
Budan keıin senator Qarajal qalalyq máslıhatynyń depýtattarymen, aımaqtaǵy mekeme basshylarymen, buqaralyq aqparat quraldarynyń ókilderimen kezdesip, olarǵa Elbasynyń bes áleýmettik bastamasynyń mańyzyn túsindirdi. Sonymen qatar 7-20-25 baǵdarlamasy men bilim granttary, stýdentterdi jataqhanamen qamtamasyz etý jaıy da áńgime boldy.
– Bıyl Jańaarqa aýdany boıynsha mektep túlekteriniń 80 paıyzy tehnıkalyq mamandyqtarǵa qujat tapsyrypty. Bolashaqta olar Qarajal-Jáırem aımaǵyndaǵy fabrıkalarǵa jumysqa ornalasyp, jumyssyzdyq azaıady dep oılaımyn, – dedi senator. Ol aımaqta atqarylyp jatqan ıgi isterge toqtalyp, eńbekkerlerdiń qajyrly qyzmetine rızashylyǵyn bildirdi.
R.Ábdikerov Qarajal qalasynyń ákimi T.Dosaevpen birge óńirdegi alyp kásiporyn «Jáırem ken-baıytý kombınaty» aksıonerlik qoǵamynda bolyp, atqarylyp jatqan jumystarmen tanysty. Senator kásiporyn basshylyǵymen jáne jumysshylarmen kezdesý barysynda olardyń eńbekteriniń tabysty bolýyna tilektestigin bildirdi.
* * *
Senator Nurjan Nursıpatov aımaqtarǵa sapary aıasynda «Nur Otan» partııasynyń Pavlodar oblystyq bólimshesine baryp, jergilikti azamattardy qabyldady.
Qabyldaý barysynda Pavlodar oblystyq ekologııa departamenti zerthanalyq-taldaý bóliminiń basshysy Erik Egimbaev jobalyq qujattardy ázirleý barysynda ekologııalyq monıtorıngti avtomattandyrý kerektigi týraly usynysyn jetkizdi. Sondaı-aq Pavlodar oblysyndaǵy aýdandyq mańyzy bar jáne aýyldyq dárigerlik mekemelerdiń qoldanystaǵy negizgi tarıfterin ózgertý týraly másele kóterildi. Al Sharbaqty aýdandyq máslıhatynyń depýtaty Lıýdmıla Marınko bolsa, elimizde Reseı úlgisinde ana kapıtaly júıesin engizý múmkindigi týraly oıyn ortaǵa saldy. Kezdesý sońynda Senat depýtaty talqyǵa salynǵan máselelerdi nazarynda ustaıtynyn jetkizdi.
Sondaı-aq N.Nursıpatov partııanyń oblystyq bólimshesindegi Partııalyq baqylaý komıssııasy men Sybaılas jemqorlyqqa qarsy is-qımyl jónindegi qoǵamdyq keńes múshelerimen jumys babyndaǵy kezdesý ótkizdi. Onda partııanyń Sybaılas jemqorlyqqa qarsy 2015-2025 jyldarǵa arnalǵan baǵdarlamasy, «Nur Otan» partııasynyń jáne elimizdiń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Yntymaqtastyq týraly memorandýmy aıasynda birlesken sharalar júrgizý josparyn iske asyrý, Memleket basshysynyń bes áleýmettik bastamasynyń oryndalýyn partııalyq baqylaýmen qamtamasyz etý máseleleri talqylandy.
* * *
Aımaqtarǵa sapar aıasynda senator Sergeı Ershov Qaraǵandy oblysyndaǵy Ulytaý aýdandyq máslıhatynyń depýtattarymen jáne turǵyndarymen kezdesý ótkizdi.
Turǵyndarmen kezdesý barysynda Senat depýtaty Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýy men bes áleýmettik bastamasyn jáne «100 naqty qadam» Ult josparyn júzege asyrýǵa qatysty Parlament Senatynyń zań shyǵarý qyzmeti týraly áńgimeledi. Sonymen qatar jergilikti ózin-ózi basqarý men jer qatynastaryn damytý máseleleri, Parlament taıaýda qabyldaǵan «Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zańdardyń erejelerin iske asyrý tetikteri talqylandy.
Aýdandyq máslıhat depýtattary týrızm salasyndaǵy mamandardy daıarlaý men ekologııalyq zańnamany jetildirýge baılanysty suraqtar qoıdy. Sondaı-aq olar senatorǵa oblystaǵy mekeme qurylysy, avtomobıl joldaryn jóndeý jáne taǵy basqa ózekti máselelerdiń tizimin berdi. Senat depýtaty budan ózge Ulytaý aýdandyq ortalyq aýrýhanasynda jáne oqýshylar úıinde bolyp, birqatar kezdesýler ótkizdi. Dárigerlermen kezdesý barysynda depýtat densaýlyq saqtaý jáne bilim salasyndaǵy zańnamany jetildirýge qatysty saýaldarǵa jaýap berdi.
Al 3 shilde kúni S.Ershov Jezqazǵanda osy shahar men Sátbaev qalalaryna, Ulytaý, Jańaarqa aýdandary men Qarajal kenti, Jáırem aýylynyń turǵyndaryna táýlik boıy jedel dárigerlik kómek kórsetetin ortalyq qalalyq aýrýhanada boldy. Depýtat oblystaǵy densaýlyq saqtaý salasynyń memleket-jekemenshik áriptestigi boıynsha qarqyndy damyp jatqanyna kýá bolyp, ujymmen kezdesý barysynda elimizdiń densaýlyq saqtaý salasynyń aldynda turǵan birqatar mindetter, atap aıtqanda medısınanyń sandyq turǵyda damýy, elektrondy densaýlyq qujatyn engizý máseleleri turǵanyn aıtyp ótti. Sonymen birge mamandar daıarlaý jáne olardyń áleýmettik qamtylýy máselesi kóterildi. Osy oraıda aıta keter jaıt, sońǵy úsh jyl ishinde Jezqazǵanǵa 17 jas maman kelgen kórinedi. Senat depýtaty mamandar tapshylyǵy máselesi tıisti mınıstrlikter men vedomstvolar deńgeıinde kóterilýi qajettigin atap ótti. Ol «Qazaqmys» kompanııasynyń úlgisinde jergilikti jastardy oqytýdyń keleshegi óte zor ekenine toqtaldy.
Daıyndaǵan
Venera TÚGELBAI,
«Egemen Qazaqstan»
