Aımaqtar • 12 Shilde, 2018

Aqtóbede tabıǵatqa keri ekologııalyq áserin tıgizbeıtin polıetılen qaltashalar shyǵaryla bastady

651 ret
kórsetildi
2 mın
oqý úshin

Qazirgi kezde dúkender men sýpermarketterden azyq-túlik taýarlaryn satyp alýǵa kelgen kez-kelgen adam ony sol jerden polıetılen qaltashalarǵa salyp alyp shyǵady. 

Aqtóbede tabıǵatqa keri ekologııalyq áserin tıgizbeıtin polıetılen qaltashalar shyǵaryla bastady

Sodan soń kóp keshikpeı onyń bári qoqys salatyn konteınerlerge laqtyrylady. Ekolog mamandar men sarapshylar kóp jaǵdaılarda qoldanylatyn mundaı polıetılen qaltashalardyń shirip, topyraqqa sińý úderisi tym uzaq ýaqytqa sozylatynyn málimdep otyr. Bul óz kezeginde tabıǵat pen qorshaǵan ortaǵa zııandy áserin tıgizetini aıtpasa da túsinikti. Sondyqtan da Aqtóbe aımaǵynda osyndaı zııandy qaldyqtardy boldyrmaý úshin tabıǵatqa keri ekologııalyq áserin tıgizbeıtin polıetılen qaltashalar shyǵaryla bastady. Onyń quramyna arnaıy zattar qosylǵan. Sonyń arqasynda olar ári ketkende 1 jyldyń ishinde tolyqtaı ydyrap ketedi eken. О́rkendi óndiristi qolǵa alǵan «Polıvest» JShS jylyna 1200 tonna zııansyz ónim shyǵarýdy kózdep otyr. Atap aıtqanda bular negizinen polıetılen qaltashalar bolyp tabylady. 

Joǵaryda aıtylǵandaı ekologııalyq turǵydan tıimdi ónim shyǵarylatyn sehqa ótken jyly «Aqtóbe» ındýstrııalyq aımaǵynan ınjenerlik ınfraqurylymmen jabdyqtalǵan jer bólinipti. Buǵan deıin «Polıvest» JShS ózderine qajetti ǵımaratty jalǵa alyp kelipti. Olarǵa ındýstrııalyq aımaqtan bólingen jerdiń kólemi 1 gektar quraıdy. Osy jerde jalpy aýdany 3000 sharshy metr turatyn ǵımarat turǵyzylǵan. Qazirgi kúni kásiporynda 60 adam eńbek etip júr. О́ndiristik qurylym qazirgi kúnge óte qajetti jobany iske asyrý úshin 500 mıllıon teńge qarajat jumsaǵan. Bul jóninde gazet tilshisine «Polıvest» JShS-nyń dırektory Baýyrjan Júsipov aıtyp berdi.

Polıetılen qaltashalardan turatyn kásiporyn ónimderi qazirgi kúni úlken suranysqa ıe bola bastaǵany da atap aıtýǵa turarlyq másele. О́timdi ónimderge birinshi kezekter Astana, Almaty, Aqtóbe, Qaraǵandy jáne Oral qalalarynan suranystar túsipti.

Temir Qusaıyn,

«Egemen Qazaqstan»

AQTО́BE

Sońǵy jańalyqtar

Denıs Nıkısha kelesi kezeńge óte almady

Olımpıada • Búgin, 16:16