Depýtat BUU Damý baǵdarlamasynyń biryńǵaı jobasy sheńberinde Eýropalyq Odaq qarjylandyratyn aýdandaǵy «Qyzylorda oblysynda oazıstik sýarmalaýdy kórsetý» pılottyq bastamasy negizinde salynǵan 9 ozyq jasyl tehnologııamen tanysty.
Jasyl ekonomıkany qoldaný sharýa qojalyq jumysyn damytýǵa qajetti taza sýmen jáne elektr energııasymen qamtamasyz etip otyr. Jobanyń jalpy quny 800 myń eýrony quraıdy. Tıisti qarajatqa kún sáýlelik jáne jel elektrstansııasynan turatyn, sondaı-aq kún sáýlesin jáne jel massalarynyń qozǵalysyn elektr energııasyna túrlendiretin gıbrıtti ornatylym qurylǵan. Munan alynǵan energııa turmystyq tutynýmen qatar fermerlik qajettilikterdi de qamtamasyz etedi. Al, arnaıy sorǵysh sharýa qojalyq aýmaǵynda ornalasqan uńǵymadan sýdy keń kólemdi ydys pen táýliktik basseıinge tartady. Osmotıkalyq qurylǵymen qaıta tazartýdan ótetin sý taza aýyz sýmen qamtamasyz etýge, mal sýarý jáne plantasııalarǵa sý jiberýge paıdalanylady.
Halyq qalaýlysy jasyl ekonomıka ıgiligin sharýashylyqqa paıdalanyp jatqan seriktestikke tabys tiledi.
Baqtııar TAIJAN,
«Egemen Qazaqstan».
