Astanadaǵy qoǵamdyq kólikter salasynda qyzmet etetin tasymaldaýshylardyń tabysy durystaldy

Saralanǵan tarıfti engizý­­diń alǵashqy nátı­jelerine ke­ler bolsaq, bul jaıynda «Asta­na LRT» JShS basshysy Bek­­myrza Igenberdınov aıtyp ber­di. Onyń aı­týyn­­sha, eń bas­tysy ta­sy­­mal­daýshylardyń tabysy aıqyn kórine bas­taǵan. «Saralanǵan tarıf­ti engizerden buryn jasal­ǵan boljam boıynsha, basqa tabys somasyn kút­ken bolatynbyz, biraq eki aptadan soń, basqa so­ma­ǵa kýá boldyq, ıaǵnı park­terdiń tabysy  15%-ke ósken», deıdi kompanııa bas­shy­sy. Ol atalǵan kór­set­kishtiń ári qaraı da joǵarylaýyn kú­te­tin­digin aıtady. Sonymen qatar kompanııa aldaǵy ýaqytta karta tutynýshylarynyń úlesin 95-98%-ke deıin jet­kizýdi josparlap otyr. Sonda kópshilikke tasymal­daýshylardyń shyna­ıy tabystaryn kórsetip, jyl sońyn­da tarıftik saıasat boıynsha usynystar jasaý ońaıǵa túspek.

Sonymen qatar kóshpeli oty­rys­ta avtobýstarǵa al­dyń­­ǵy esikten kirý ýa­qyt alatyny týraly halyq­tyń shaǵymyna qatysty pikirtalas oryn al­dy. Sa­rap­­shy toptyń aıtýyn­sha, bul tártip bıletsiz jo­laý­­shylardy anyqtaý úshin qajet. Atalǵan lo­gıs­tıka qyzmeti ha­­lyq­­­­­aralyq tájirıbe ne­gi­zin­­de engizilgen. Kompa­nııa qyzmet­kerleri As­ta­na qalalyq ishki is­ter departamenti men jol-pa­trýldik qyz­me­timen birge qoǵamdyq kó­lik tártibin baqy­laýdy kúsheıtip jatqandy­ǵyn málimdedi.

Sondaı-aq kásiporyn bas­­shysy B.Igemberdınov aǵym­daǵy jyly  jolaqy­quny kó­terilmeıtinin, tarıfter bo­ıyn­sha barlyq sheshimder avtoparkterdiń jumysyn sýbsıdııalaý deń­­geıin jáne ondaǵy ju­mys­­tardy muqııat taldap, qo­ǵamdyq talqylaýdan keıin jasalatynyn eskert­ti.

Otyrysta qoǵamdyq kó­lik­­ter­degi qyzmet kór­setý má­de­nıeti, onyń ishin­de, júr­gi­zýshilerdiń ká­sip­qoılyǵy men júris-tu­rysy máselesi de keńi­nen­ talqylandy. «Ár júr­­­gi­zýshi adam tasymaldap kele jatqandyǵyn tú­sinetindeı, birtindep qa­rym-qatynastaryn túzep ke­lemiz. Avtoparkterdiń bas­shylyǵymen sóılestik, qazir olar da júrgizýshiler sapaly qyzmet etý úshin jalaqysyn kótergenin alǵa tartty», deıdi kompanııa basshysy.

Budan bólek, jıynda «As­ta­nanyń jańa tasy­maldaý­ júıesi - LRT» jo­ba­syn júzege asy­rý jaǵy talqylandy. Bul Nursultan Nazarbaev ha­lyq­­aralyq áýejaıynan «Nur­ly jol» temir jol vokzalyna de­ıin­­gi aýmaqty qamtıdy. Je­ńil relsti kólik LRT – eko­logııalyq taza­lyqqa, jolaý­shy­lar­dyń kóptigine jáne joǵary jaılylyq deńgeıine ba­ǵyttalǵan jetildirilgen ta­symaldaý júıesi bolmaq. Olardyń aıtýynsha, eki túrli stansalar avtokólik joldarynyń shetinde jáne onyń ortalyq bóliginde ornalasady. Stansalardyń arasyndaǵy qashyqtyq 800-den 1000 metrge deıin bolmaq. Oǵan keleshekte jer asty nemese jer ústi joldary arqyly da kirýge bolatynyn aıta ketkenimiz jón.

Sonymen qatar jıyn­da elordadaǵy avtobýs park­teriniń qozǵalys qura­myn jańartý máselesi aıtyldy. Qazir Astana avtobýstar parki City Bus-1, City Bus-2 jobalarynyń aıasynda jańartylyp jatyr, sonyń arqasynda 400-ge jýyq eskirgen kó­lik­ter paıdalanýdan shy­ǵarylǵan. Onyń ornyna sal­qyndatqyshtarmen, jylytý, aqparattandyrý jáne vıdeobaqylaý júıesimen jabdyqtalǵan jańa, jaıly kólikter alynǵan.

Sondaı-aq Astana qa­lasynda elektrobýstar men gıbrıdti avtobýstardy engizý josparlanýda. Qa­zirgi tańda bul qoǵamdyq kó­likter bas qalanyń qo­laısyz klımattyq jaǵ­daıynda jumys isteý úshin synaqtan ótip jatyr.

Mıras ASAN,
«Egemen Qazaqstan»