Ádilettikter málimdeme qabyldady

Keshe «Ádilet» demokratııalyq partııa­sy «Qazaqstan Respýblıkasy jurtshyly­ǵyn jumyspen qamtý jáne tabys saıasaty» atty taqyrypqa arnalǵan baspasóz más­lı­ha­tyn ótkizdi. Partııa serkeleri Jańa­ózen­degi jaǵdaıdy taǵy bir oı eleginen ótkize kele, «Qazaqstan Respýblıkasy jurtshy­lyǵynyń tabys jáne jumyspen qamtý saıasaty týraly» málimdemesin jarııalady. Basqosýda «Ádilet» partııasy tóraǵa­synyń birinshi orynbasary Tólegen Sydyq partııa qyzmetiniń basty baǵyttarynyń birine qarapaıym adamdardyń múddelerin qoıatynyn, sondyqtan, onyń ıdeıalyq negizi áleýmettik ádildik, erkindik jáne ynty­maq­tastyq baǵdarlamasy bolyp tabylatynyn alǵa tartty. – Ádilet» partııasy osy jasap otyrǵan málimdemesi arqyly halyq pen úkimettiń arasynda kúrdeli turǵan másele – respýblıka jurtshylyǵyn jumyspen qamtýda óz kózqaras, oı-pikirlerin bildirip otyr», – dedi Tólegen Seıdomaruly. – О́ıtkeni, bul máseleniń qanshalyqty kúrdeliligi bizdiń qoǵamǵa da, adamnyń bolashaǵynyń damýy­na da áser etpek. Sondyqtan, bul máselege qashanda buǵan deıingi saıası otyrystary­myz­da basa kóńil bólip kelemiz. Al búgin­gideı saılaý naýqany barysynda da mundaı áleýmettik jaǵdaılardy sheship almaı, qandaı da jetistikter, tolaǵaı tabystarǵa qol jetkizýdiń qıynǵa soǵatynyn alǵa tartyp otyrmyz. Eger biz osy maqsat-múddemizben Parlamentke ótsek, ondaǵy basty mindetimiz, áleýmettik damýdyń ádis­terin, saıasatyn ózgertýge kúsh salý bolady. О́ıtkeni, áleýmettik saıasatty ornyq­tyr­maı, búgingi kóterilip otyrǵan máselelerdi sheshe almaımyz. Mine, osy rette, partııa óz málimde­me­le­rinde uzaq merzimge arnalǵan basym­dyq­tardy usynyp otyr. Olarda birqatar áleýmettik máseleler qamtylǵan.  Al más­lıhatta sóz alǵan partııa músheleri: «Mań­ǵys­taý oblysyndaǵy Jańaózen qalasy tur­ǵyndarynyń negizgi nápaqasy – «qara al­tyn­nan». Balalar men zeınetkerlerdi esepke almaǵanda, jumysshylardyń basym bó­ligi – munaıshylar. Gúlzeınep SÁDIRQYZY. ALMATY.