Elbasy Qorynyń uıytqy bolýymen jas ǵalymdardyń «Burabay Forum: Qazaqstannyń halyqaralyq yntymaqtastyǵy» halyqaralyq forýmy joǵary dárejede ótti. 40 jasqa deıingi 100 jas ǵalym qatysqan halyqaralyq joba Qazaqstannyń jáne TMD elderiniń ózara is-qımylyn birneshe baǵytta zertteýdi uıǵardy. Bul sharaǵa Qazaqstannyń, Reseıdiń, Lıtvanyń, Belarýstiń, Armenııanyń, Ázirbaıjannyń, О́zbekstannyń, Qyrǵyzstannyń, Tájikstannyń fızıkteri, saıasattanýshylary men ekonomısteri qatysty. Olar ǵylym jáne bilim salasyndaǵy transshekaralyq yntymaqtastyq máselelerin talqylap, ózara tájirıbe almasty. Dástúrge aınalǵan bul forýmnyń bıylǵy jylǵy erekshelikteri mynadaı:
Birinshiden, jıynnyń geografııalyq aýqymy keńeıdi. Ekinshiden, forýmnyń kún tártibi men talqylanatyn taqyryptar aıasy artty. Sonymen qatar jas ǵalymdardyń jıynyna memlekettik organdardyń basshylary da qatysyp jatyr. Sáıkesinshe, sharanyń mańyzy da artqan.
Forým barysynda aýyl sharýashylyǵy salasynda tyń tehnologııalardy paıdalaný arqyly ónimdilikti arttyrý máselesi de talqylandy. «Bul rette Qazaqstannyń múmkindigi mol», - deıdi jas ǵalymdar. О́ıtkeni ulan baıtaq jerimizdiń 50%-y ekologııalyq turǵydan taza sanalady. Forýmǵa qatysqan jastar bilikti bıznes trenerlerdiń sheberlik synyptaryna qatysyp, jańashyl jobalaryn kásipte kádege jaratýdyń joldaryn meńgeredi. Halyqaralyq forým qorytyndysy boıynsha arnaıy qarar qabyldanady.
