Qazaqstan Respýblıkasyn ındýstrııalyq-ınnovasııalyq damytýdyń 2016- 2019 jyldarǵa arnalǵan memlekettik baǵdarlamasynyń iske asyrylý (2018 jylǵy 6 aıdyń qorytyndysy) barysy týraly - Indýstrııalyq-ınnovasııalyq damý basqarmasynyń m.a. T.Edigeev baıandady.
Memlekettik ındýstrııalyq-ınnovasııalyq damý baǵdarlamasynyń kórsetkishteriniń dınamıkasy: óńdeý ónerkásibiniń eksporty – 114, 4%-ǵa, óńdeý ónerkásibindegi eńbek ónimdiligi – 142,2% - ǵa, negizgi kapıtalǵa salynǵan ınvestısııalar kólemi – 106,0% oryndalsa, óńdeý ónerkásibindegi óndiris kólemi – 112,0% oryndaldy. 2018 jylǵy qańtar-maýsym aılaryndaǵy óńdeý ónerkásibinde negizgi kapıtalǵa salynǵan ınvestısııalar kólemi 3,8 mlrd.teńgeni qurasa, óndiris kólemi sáıkesinshe aldyńǵy jylmen salystyrǵanda 12,0% ósip (IFO- 112,0%) 118,7 mlrd. teńgeni qurady. 2017 jyldyń qantar-jeltoqsan aıynda óńdeý ónerkásibinde jumyspen qamtylǵandar sany 16,8 myń adam.
-Kásipkerlikti qoldaý qartasy aıasynda úsh jylda jalpy quny 152,7 mlrd. teńge quraıtyn 9 joba paıdalanýǵa berilip, 944 jańa jumys orny ashyldy. Karta aıasynda 2018 jyly jalpy somasy 11,5 mlrd. teńgeni quraıtyn 4 joba iske asyrý jáne 223 jumys orny ashylýy josparlanǵan. Bıylǵy jyldyń mamyr aıynda «Best-Grýp» JShS kún elekrostansııasy jobasy iske asyrylǵan, dedi Tilegen Edigeev.
«Jylytý maýsymyna daıyndyq barysy týraly» - oblystyq energetıka jáne turǵyn úı-kommýnaldyq sharýashylyq basqarmasynyń basshysy S.Amanbekov baıandap ótti. Búgingi kúnge deıin tórt arnaıy shtab otyrysy ótkizilip, oblystyń negizgi kásiporyndarynyń jylytý maýsymyna óte jaqsy deńgeıde júrip jatqanyn málimdedi.
-«MAEK - Qazatomónerkásip» JShS boıynsha negizgi qondyrǵylardyń daıyndyǵy 85% quraıdy, «MEBK» AQ boıynsha daıyndyǵy 90% quraıdy. Sondaı-aq, áleýmettik salalar boıynsha daıyndyq jumystary tómendegideı: 388 bilim berý nysandarynyń 369 daıyn (95%), 102 densaýlyk nysandarynan – 91 daıyn (89%), 140 áleýmettik nysandardyń –122 daıyn (87%), turǵyn úı boıynsha – 1541 kópqabatty úıdiń 1356 daıyn (88%), (sýmen synaý jáne jýý jumystary), qalǵan úıler aǵymdaǵy jyldyń 1 qyrkúıegine deıin daıyn bolady, dedi Sapar Amanbekov.
Jańa 2018-2019 oqý jylyna daıyndyq týraly - Bilim basqarmasy basshysynyń m. a. N.Qoıjanov baıandady. Oblysta 271 mektepke deıingi uıym, 143 mektep, TjKB 27 uıymy, qosymsha bilim berý uıymdary 15 jumys isteıdi. 1 qyrkúıekte 134 129 oqýshy mektepke barady, onyń ishinde birinshi synyp oqýshylarynyń kontıngenti 16600 oqýshyny quraıdy. Jańa oqý jylynyń basynda kútiletin jeli sany – 143 memlekettik jáne 5 jekemenshik mektep. Bıyl oblysta – 9 mektep ashyldy. Oqýlyqtar men oqý-ádistemelik keshenderin satyp alýǵa jergilikti bıýdjetten 1 mlrd. 546 mln. 512 myń qarjy bólingen.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
