Sol sııaqty shaǵyn sharýashylyq ashqanymen, basyna tartsa etekke jetpeı kúni qur kijinýmen ótip júrgen azamattar kóp. Azyn-aýlaq jerin jyrtyp alýǵa tehnıka joq. Tehnıka joqtyqtan qystyqqa jem-shóp daıyndaı almaı, qymbat baǵaǵa satyp alýǵa májbúr bolady. Qolda naqty aqsha joq. Mal – aıyrbas quraly. Shyǵyndana bergen soń mal basy óse me?! Jeńildetilgen nesıe alaıyn dese bankke qoıar ilkimdi dúnıesi, jyljymaıtyn múlki joq, memleketten sýbsıdııa da ala almaıdy...
Áýelde «ózim degende ógiz qara kúshim bar» dep aǵynǵa qarsy qoıyp ketip, aryny qaıtty. Memlekettik baǵdarlamalardyń tıimdi jaqtaryna moıyn burdy. Sonyń biregeıi – aýyl sharýashylyǵynyń kooperatıvi edi. Kooperatıv múshesi bolsań memlekettik ıgilikterdiń bári qıyndyqsyz beriledi. Árıne, bes saýsaq birdeı emestigi sııaqty, kooperatıv basshylarynyń iskerligi, tazalyǵy mundaıda úlken ról atqarady.
Qyzylorda oblysynyń shaǵyn sharýashylyq jetekshileri kooperatıvterdiń tabysqa shyǵaratynyna kózderi jetip boldy. Bıyldyń ózinde 250 jeke sharýashylyqtyń 18 aýyl sharýashylyǵy kooperatıvine birikkeni sonyń aıǵaǵy.
О́nimdilik te jyl saıyn molaıyp keledi. Máselen, 2017 jyly kooperatıvter 342 tonna et, 133 tonna sút daıyndasa, bıylǵy jarty jyldyqtyń ózinde 206 tonna et, 253 tonna sút ázirleýge qol jetkizgen.
Búginde oblysta 2320 sharýa qojalyǵyn biriktirgen 105 kooperatıv bar. Bul 800 otbasylyq mal bordaqylaý alańy men 385 sút fermasyn qurýǵa múmkindik berip otyr. Sondaı-aq aımaqta qus sharýashylyǵy jaqsy damyp keledi. Byltyr Shıeli aýdanynda alǵashqy qus fabrıkasy salyndy. Sonymen qatar, ótken jyly taǵy eki qus fabrıkasy ashyldy. Nátıjesinde aǵymdaǵy jyldyń 6 aıynda qus sany 36 paıyzǵa, al jumyrtqa óndirý 45 paıyzǵa artty. Bıyl Qarmaqshy aýdanynda «Baıqońyr» ÁKK-men jylyna qýattylyǵy 1500 tonna et óndiretin taǵy bir qus fabrıkasynyń qurylysy bastaldy. Keıingi jyldary osyndaı ıgi isterden ishki jalpy ónimniń óskendigi aıtarlyqtaı baıqalady.
Búginde «satyp al da qaıta sat» ustanymynyń dáýreni aıaqtalyp kele jatqanyn isker azamattar ańǵaryp, negizgi ınvestısııany aýyl sharýashylyǵyna sala bastady. Bul – óte quptarlyq is. Kooperatıvter kóbeıse elimizdiń azyq-túlik qaýipsizdigi nyǵaıady. Syrttan keletin sapasy kúmándi taýarlarǵa tosqaýyl jasaıdy. Otandyq taýarlardyń belsendiligi kózge kórinip, eń bastysy, eńbekke degen qulshynys artady.
Kúni keshe shildiń qıyndaı jan-jaqqa pyshyraǵan usaq sharýashylyqtar kooperatıvke birigý arqyly tabysqa shyǵýǵa bolatynyna kózderi jetip keledi.
Baqtııar TAIJAN,
«Egemen Qazaqstan»
QYZYLORDA
