Memlekettik hatshy «Bolashaq» baǵdarlamasy joǵary bilikti mamandar daıyndaý isine mańyzdy úles qosyp kele jatqanyn atap ótti.
«Jaqynda Nazarbaev Ýnıversıteti osy baǵdarlama boıynsha zertteý júrgizdi. Osy oraıda baǵdarlamanyń oń nátıje berip otyrǵany atalyp ótti», dedi Memlekettik hatshy.
Bolashaq baǵdarlamasynyń aıasynda kardıohırýrgııa salasynyń túlekterimen 32 myńnan astam tegin ota jasaldy. Bir otanyń ortasha quny 300 myńnan 10 mln teńgege deıin ózgerip otyrady.
Sondaı-aq, otyrys barysynda Bilim jáne ǵylym mınıstrligi Shetelde kadrlar daıarlaý jónindegi respýblıkalyq komıssııanyń hattamalyq tapsyrmalarynyń oryndalýy týraly málimet berdi. Komıssııa sheshimimen stıpendııa magıstratýrada, doktorantýrada oqıtyn, sonymen qatar álemniń jetekshi ǵylymı jáne óndiristik ortalyqtaryna taǵylymdamadan ótýge jiberilgen 128 úmitkerge taǵaıyndaldy.
Gúlshara Ábdiqalyqova otyrys sońynda «Bolashaq» halyqaralyq stıpendııasyn tıimdi iske asyrýǵa qatysty birqatar tapsyrmalar júktedi.
