Bıyl respýblıka ishilik qatynasta 45,1 mln tonnadan astamy tasymaldanǵan. Bul 2017 jyldaǵy tasymal kóleminen 0,4%-ǵa artyq,. Al tutynýshylardyń kommýnaldyq-turmystyq qajettilikterine – 5,5 mln tonna kómir tasymaldanǵan. О́tken jyldyń kórsetkishine qaraǵanda bul kórsetkish 12%-ǵa kóbeıgen.
2018 jyldyń sońyna deıin 106,5 mln tonna kómir tasymaldaý josparlanýda, sonyń ishinde tutynýshylar úshin – 71,9 mln tonna, bul 2017 jyldaǵy tasymal kóleminen 3,5%-ǵa joǵary.
«QTJ» UK» AQ-da atalyp otyrǵan júk kólemin tasymaldaýǵa jyljymaly quram sany qajetti deńgeıde jetkilikti. Ár túrli jeke menshik ıelerinen 54 myńǵa jýyq ashyq vagon jumyldyryldy. Kommýnaldyq-turmystyq kómir tasymaly úshin 9 myńǵa jýyq ashyq vagon qoldanylýda.
«QTJ» UK» AQ bastamasymen kómir tasymaly kólemin jyl boıyna birkelki bólý jáne kúzgi-qysqy kezeńdegi júktemeni azaıtý maqsatynda kómir óndirýshilerdiń qatysýymen oblys ákimdikterinde jıyndar ótkizildi. Oblys ákimdikteri men kómir óndirýshiler kómir tasymaly kólemin qaıta bólý boıynsha mindettemeler aldy. Sonyń nátıjesinde kommýnaldyq-turmystyq kómir tasymalynyń kólemi 31%-ǵa artty. Sonymen qatar kómir júgin jóneltýshilermen de otyrystar ótkizilýde. Aǵymdaǵy jyldyń sońyna deıin tasymal kólemin oryndaý boıynsha talap-tilek hattamasy toltyryldy, bul rette «QTJ» UK» AQ vagon parkterin basqarý operasııalaryn júrgizý úshin qoıylatyn mólsherleme kóterilmeıtinine kepildik beredi.
Kompanııada kómir tasymaly boıynsha shtab qurylyp, júk jóneltýshiler ótinimin qanaǵattandyrý, sonymen qatar vagondar aınalymyn oryndaý boıynsha táýliktik baqylaý qoıyldy. TES jáne GRES qoımalaryndaǵy qatty otyn qory qaldyqtaryna, sondaı-aq halyqta kómirdiń bar-joqtyǵyna táýliktik monıtorıng júrgizilýde.
