«Nur Aqtóbe» shaǵyn aýdanynda «Qazaqstandyq ıpotekalyq kompanııa» arqyly 566 páterge arnalǵan turǵyn úı kesheni paıdalanýǵa berildi. Olardyń ishinde 90 páter kezekte turǵan kóp balaly jáne jetim, ata-ana qamqorlyǵynsyz qalǵandar, tolyq emes otbasy, múgedek balalary bar otbasylarǵa, bıýdjettik sala qyzmetkerlerine úlestirildi.
Oblys ákimi Berdibek Saparbaev jańadan qonystanýshylardy ómirindegi mańyzdy oqıǵamen quttyqtady.
«Ár adam úshin úıdiń erekshe máni bar. Táýelsizdik jyldary bizdiń elimizde Elbasynyń basshylyǵymen qazaqstandyqtardy turǵyn úımen qamtamasyz etý boıynsha úlken jumystar atqaryldy. Sonyń ishinde osy aýdan dálel - birneshe jyl buryn munda ashyq dala bolatyn, al qazir jańa turǵyn aýdany salynǵan. Prezıdenttiń bes áleýmettik bastamasy boıynsha jarııalanǵan basty maqsattardyń biri turǵyn úımen qamtamasyz etýge baǵyttalǵan. О́tken jyly 790 myń sharshy metr turǵyn úı paıdalanýǵa berildi, bıyl biz kem degende 900 myń sharshy metr paıdalanýǵa beremiz» - dedi aımaq basshysy.
Páter kiltin alǵandardyń biri – kóz aýrý boıynsha múgedek Shaızada Jazylbaeva. Ol kóp jyldar boıy turǵyn úıdi jalǵa alǵanyn aıtty.
«Men kezekte 11 jyl qatarynan turdym. Alty adamnan turatyn bizdiń otbasymyz uzaq ýaqyt boıy úıdi jalǵa aldyq. Jaqynda bizge eki bólmeli páter alatynymyzdy habarlady. Men áli kúnge deıin tolqyp júrmin», - dedi ol.
Jyl basynan beri Aqtóbede 280 myńnan astam sharshy metr turǵyn úı salyndy. Jyl sońyna deıin oblysta 900 myń sharshy metr turǵyn úı paıdalanýǵa beriledi.
Búgingi kúni Aqtóbe oblysynda Konstıtýsııa kúnin aýqymdy atap ótilýde. Oblys ortalyǵynda jáne aýdandarda jalpy quny 6 mlrd teńge bolatyn 25 áleýmettik, óndiristik jáne kommersııalyq nysandar tapsyrylady.
