Osy jazda Eýropada bolǵan qurǵaqshylyqtyń saldarynan ózenderde «ashtyq tastary» kórine bastady. «Meni kórip tursańdar, jylańdar» degen jazýy bar osy tastar ejelde qıyn qystaý kezeńi bastalǵanyn bildiretin.
Sebebi olar ózender qatty qurǵaǵan kezde ǵana kórinetin. Sol jyly astyq ónbeı, halyq ashtyqtyń zardabyn tartatyn. Osyndaı tastar jaqynda Chehııanyń Dechın qalasy mańyndaǵy Elba ózeninde shyqty.
Bul ózendegi sý deńgeıi 155 santımetrge túskenin kórsetip otyr. Osyndaı jaǵdaıda ózen boıymen kemeler júre almaıdy. Al kóne zamanda Eýropada júkter negizinen kemelermen tasymaldanatyndyqtan, syrttan azyq-túlik ákelý múmkin bolmaıtyn.
