Qurlyq dodasynyń sońǵy jarys kúnderinde Indonezııa astanasynda birneshe resmı kezdesý ótedi. Qazaqstan UOK basshysy Halyqaralyq Olımpıada komıtetiniń prezıdenti Tomas Bahpen kezdesedi.
Sondaı-aq, T.Qulybaev Ulttyq Olımpıada komıtetteri Qaýymdastyǵynyń (ANOC) jáne Azııa Olımpıadalyq Keńesiniń (AOK) prezıdenti sheıh Ahmad ál-Fahad ál-Sabahpen jolyǵady.
Eske sala keteıik, T.Qulybaev Azııa Olımpıadalyq Keńesiniń vıse-prezıdenti sanalady. Kezdesýler barysynda Qazaqstan UOK pen halyqaralyq sporttyq uıymdardyń áriptestigin nyǵaıtý máseleleri qarastyrylady.
Budan bólek, Qazaqstan UOK basshysy qazaq boksshylarynyń jartylaı fınaldyq básekesin, dzıýdodan fınaldyq jekpe-jekterdi jáne sý dobynan ótken matchty tamashalady.
Qazirgi sátte Qazaqstan sportshylary jazǵy Azııa oıyndarynan 11 altyn, 11 kúmis jáne 39 qola medal jeńip aldy. Azııa oıyndarynyń jabylý saltanaty 2 qyrkúıekke josparlanǵan.
