Bul qyzmetke QR Premer-Mınıstri Keńsesiniń Jobalaýdy basqarý ortalyǵynyń meńgerýshisi bolǵan Áset Irǵalıev taǵaıyndaldy.
«Mınıstr jańa orynbasardyń jınaqtaǵan tájirıbesin, bilimi men kásibı daǵdysyn qoıylǵan mindetterge qol jetkizý úshin qoldanatyndyǵyna senim bildirdi. Sondaı-aq, jańa orynbasardyń aldynda halyqaralyq ekonomıkalyq ıntegrasııa jáne halyqaralyq yntymaqtastyq, saýda jáne syrtqy saýda qyzmeti máselesine jetekshilik etý turǵanyn habarlady», - delingen habarlamada.
Áset Irǵalıev Qazaqstandyq menedjment, ekonomıka jáne boljamdaý ınstıtýtynda (KIMEP) memlekettik saıasat ekonomıka salasy boıynsha bilim alǵan (Almaty, Qazaqstan). Halyqaralyq Ionkopıng bıznes mektebin halyqaralyq ekonomıka salasynda ǵylym bakalavry dárejesimen (Jönköping University, Shvesııa), Iork ýnıversıtetin ekonomıkadaǵy ǵylym magıstri dárejesimen (University of York, Ulybrıtanııa) jáne Nottıngem ýnıversıtetin ekonomıkadaǵy fılosofııa magıstri dárejesimen (The University of Nottingham, Ulybrıtanııa) aıaqtaǵan.
Sondaı-aq, Áset Irǵalıev London ekonomıka jáne saıası ǵylymdar mektebiniń PhD doktory dárejesin ıelengen (London, Ulybrıtanııa). Eńbek jolyn Á. Irǵalıev Londondaǵy Eýropalyq damý jáne qaıta qurý bankiniń (EDQB) Shyǵys Eýropa, Kavkaz jáne Ortalyq Azııa boıynsha ekonomıka departamentiniń aýmaqtyq ekonomısi retinde bastaǵan.
2013 jylǵy qańtardan bastap 2016 jylǵy maýsym aralyǵynda «Ekonomıkalyq zertteýler ınstıtýty» AQ Kásipkerlikti damytý ortalyǵynyń dırektory, basqarma tóraǵasynyń orynbasary, basqarma tóraǵasy laýazymdaryn atqarǵan.
2016 jylǵy jeltoqsannan bastap 2017 jylǵy shilde aıyna deıin Qazaqstan Respýblıkasy Premer-Mınıstriniń keńesshisi bolyp qyzmet istegen. 2017 jylǵy tamyzdan bastap Qazaqstan Respýblıkasy Premer-Mınıstri Keńsesiniń Jobalaýdy basqarý ortalyǵynda jumys istedi.
