Mádenı is-sharany «Eýrazııa» kınofestıvaliniń prezıdenti Aıman Musaqojaeva ashty.
«Bizdiń festıval otandyq kınony tanytýǵa basymdyq beredi. Búgin Qazaqstan alǵash ret otandyq kınematografty Venesııa kınofestıvali aıasynda tanystyryp otyr. Italııalyq ANICA kompanııasynyń halyqaralyq departamentiniń basshysy Roberto Stabıle bizge pavılon usynyp, sharamyzdy ózkize aldyq. Bul shara bizdiń kınomyz ben mádenıetimizdiń damýyna áser etetindikten, qazaq kınematografısteri men mádenıet qaıratkerleri úshin óte mańyzdy oqıǵa bolyp otyr. Bul sharanyń kınomyzdy, mádenıetimizdi álemge tanytýda yqpaly zor. Erteń Venesııa kınofestıvalinde Qazaqstan atynan qatysyp otyrǵan Emir Baıǵazınniń «О́zen» kartınasynyń álemdik premerasy ótedi. Osy oraıda, biz de otandyq fılmderimizdi, onyń ishinde Baıǵazınniń fılminiń de treılerin kórsetip, tanystyrdyq»,- dedi «Eýrazııa» kınofestıvaliniń prezıdenti Aıman Musaqojaeva.
«Qazaqstandy ash: aýdıovızýaldy damytýǵa arnalǵan jańa múmkindikter» atty is-sharaǵa ıtalııalyq ANICA kompanııasynyń halyqaralyq departamentiniń basshysy Roberto Stabıle,Italııanyń Qazaqstandaǵy Saýda palatasynyń hatshy-keńesshisi Savına Korsarı, Rai telekompanııasynyń ókili Karlo Jantıle men Italııa mádenıet mınıstrliginiń ókili qatysty. Otandyq kınogerler Samal Eslıamova, Bolat Qalymbetov, Toqtar Qarsaqbaev, Talǵat Temenov, Sanjar Mádıev, Shyńǵys Kapın jáne Eýrazııa jobalar naryǵynda ekinshi oryndy jeńip alǵan jas rejısser Ashat Kýchınchırekov te is-sharaǵa qatysty.
Sharada mynadaı kartınalardyń treılerleri kórsetildi: «О́zen» (rej. E.Baıǵazın), «Árýaq» (rej.H.Ahmetov), «Ámire» (rej. D.Vespa), «Talan» (rej. B.Qalymbetov), «Ol» (rej. A.Sataev), «Almas qylysh» (rej. R.Ábdrashev), «Anaǵa aparar jol» (rej. A.Sataev), «Oralman» (rej. S.Qurmanbekov), «Bizdiń qalanyń kishkentaı hanzadasy» (rej. T.Temenov), «Shyńyraý» (rej. J.Jetirýov), «Jat» (rej. E.Tursynov). Budan bólek «Kúltegin» (rej. A.AÁbildınov), «Jumper» (rej. Arman Beısembaev) jáne «Muzbalaq» (rej. T.Maıdan, T.Tóleýǵazy) syndy anımasııalyq fılmderdiń treılerleri sheteldik sale agentterge usynyldy.
Sondaı-aq, shara barysynda QR Mádenıet jáne sport mınıstriligi quryltaıshysy bolyp tabylatyn «Eýrazııa» kınofestıvali tanystyrylady.
«Eýrazııa» kınofestıvaliniń Art-dırektory Dıana Ashımova otandyq kınematografııa jetistikteri jáne birlesken jobalardy iske asyrý múmkindikteri týraly tolyq aqparat berdi.
«Bıyl biz alǵash ret «Venice production bridge» baǵdarlamasynda, Astanada ótken festıvalimizdiń qonaǵy bolǵan ANICA kompanııasynyń ókili, bizdiń seriktesimiz Roberto Stabıleniń arqasynda qatysyp otyrmyz. Biz otandyq kıno ýnıversıtetterin, «Qazaqfılm» kınostýdııasyn, jeke menshik stýdııalardy tanystyrdyq jáne otandyq kınematografıster sheteldik ınfestorlarǵa usyna alatyn barlyq qyzmet túrlerin aıttyq. Sonymen qatar, biz sheteldik kınematografıstermen bizdiń rejısserlerdi, akterlerdi tanystyryp, baılanys ornattyq»,- dedi Dıana Áshimova.
Rai kompanııasynyń ókili Karlo Jantıle qazaqstandyq kartınalardy telearnalar arqyly kórsetý maqsatynda satyp alýǵa daıyn ekenin bildirdi: Men sizderdiń kınematografııalaryńyzben azyn-aýlaq tanyspyn. О́ıtkeni men sizderdiń Kanndaǵy baǵdarlamalaryńyzdy kórgem.Búgin men kóptegen treıler kórdim. Túrli janrdaǵy fılmdi kórdim. Menińshe, qazaqstandyq kınony kóbirek kórsetip, tanystyrý kerek. О́zara yntymaqtastyǵymyzdyń arqasynda Rai teleanrasy úshin sizderdiń kartınalaryńyzdy satyp alamyz dep úmittenemin. Sizderdiń «Eýrazııa» kınofestıvalderińiz týraly treılerdi kórip, onyń aýqymyna kózim jetti. Festıval ósip keledi. Damyp jatyr. Festıvalderińizde túrli akterler qonaq bolǵan, bolashaqta ıtalııandyq akterlerdi de sizderdiń festıvalden kóremiz dep oılaımyn».
Sonymen qatar, prezentasııa barysynda «Sáttilik qudaıy» atty ıtalıan-qazaqstan jobasyn tanystyrdy. Daıyndyq ústinde turǵan atalǵan jobany Alimatika srl kompanııasynyń prodıýser Alında Sbradja iske asyrady. Al fılmniń rejısseri Toqtar Qarsaqbaev bolmaq.
Prezentasııa aıaqtalǵan soń, Santa Marııa Elızavetta shirkeýinde Qazaq memlekettik orkestri «Solıster akademııasynyń» klassıkalyq mýzyka konserti ótti. Konsertte dırıjer Baqytjan Musaqojaevanyń súıemeldeýimen skrıpkashy, Qazaqstannyń halyq artısi jáne sırek daýysty kontr-tenor Batyrjan Smaqov óner kórsetti.
75-i Venesııa kınofestıvaliniń «Kókjıek» atty konkýrstyq baǵdarlamasynda Qazaqstan atynan qatysyp otyrǵan Emır Baıgazınniń «О́zen» kartınasynyń alǵashqy kórsetilimi 4 qyrkúıek kúni fılm avtorlarynyń qatysýymen ótedi. Bul kartına QR Mádenıet jáne sport mınıstrliginiń tapsyrysymen «Qazaqfılm» AQ, Emir Baigazin Production-de túsirilgen. Budan bólek, rejısser Eldar Shıbanovtyń «Seks, qorqynysh jáne gambýrgerler» atty kartınasy da kınofestıvaldiń qysqa metrajdy fılmder seksııasynda baıqaýǵa qatysyp otyr. Atalǵan fılmniń alǵashqy kórsetilimi 30 tamyz kúni ótken. Alaıda, festıvalge qatysyp otyrǵan fılmderdiń kórsetilimderi kún saıyn festıval aıaqtalǵanǵa deıin kórsetiletin bolady.
