Shymkent qalasynyń ákimi Ǵabıdolla Ábdirahymov pen «SKAT» əýekompanııasy» AQ prezıdenti Vladımır Denısov qol qoıǵan memorandým aıasynda «Shymkent qalasy əýejaıynda jańa jolaýshylar termınalynyń qurylysy» jobasy júzege asyrylatyn bolady. Qala ákiminiń aıtýynsha, «SKAT» əýekompanııasy» jeke ınvestor retinde jańa termınaldy óz esebinen salýǵa qyzyǵýshylyq tanytyp otyr. Osyǵan baılanysty termınal qurylysyna 2,8 gektar jer telimi bólingen.
Jańa termınal qurylysy birneshe kezeń boıynsha júrgizilmek. Aldymen jańa termınal salynyp, sodan keıin kólemi 7 gektar jerge áýe kemelerine arnalǵan perron keńeıtilmek. Investısııa kólemi 50 mln AQSh dollaryn quraıdy. Al jol qurylysy jáne ınjenerlik jelilerdi qaıta qurý, áýejaı aldyndaǵy avtoturaqty jáne vokzal aldy alańynyń qurylysyn, abattandyrý jumystary qala ákimdigi tarapynan júrgiziletin bolady. Qurylys jumystaryn 2020 jyldyń alǵashqy jartyjyldyǵynda aıaqtaý kózdelip otyr.
Erkin DOSYMBAI,
Shymkent
