Oblys ákimi Berdibek Saparbaev pen «ArmWind» kompanııasynyń dırektory (negizin qalaýshylar - ENI - 90%, GeneralElectric - 10%) Abramo Ferdınando bıznes-keńestiń otyrysynda tıisti memorandýmǵa qol qoıdy.
JES josparlanǵan jyldyq qýattylyǵy 190 GVt-qa teń bolady. Investısııa kólemi shamamen 100 mıllıon eýro. Nysannyń qurylysyn aǵymdaǵy jyldyń tórtinshi toqsanynda bastap, 2019 jyldyń sońynda paıdalanýǵa berý josparlanýda. Qurylys kezeńinde 300 jumys orny qurylady.
Iskerlik-keńestiń eń mańyzdy oqıǵasy jıynnyń jumysyna «Qazhrom» TUK, «SinopecGroup», CNPC ókilderi qatysyp, sondaı-aq óndiristi jańǵyrtý úshin Jol kartalaryna qol qoıyldy.
- О́tken jyly Prezıdent Nursultan Nazarbaev Tórtinshi Indýstrıaldy Revolıýsııa jaǵdaıynda damýdyń jańa múmkindikteri týraly jarııalady. Biz onyń elementterin engize otyryp, jyldyń qorytyndysy boıynsha jalpy somasy 85 mlrd. teńgege 42 kompanııany jańǵyrtýymyz kerek. Bul ınvestısııalardy ulǵaıtýdy talap etedi. Byltyr ol shamamen 465 mlrd. teńge qaldyryp, bıylǵy jyly keminde 530 mlrd. teńge ınvestısııa tartýǵa ýáde berdi. Búgin biz aımaqtyq ekonomıkany odan ári damytý úshin mańyzdy eki másele - óndiristi jetildirý men bizdiń óńirdiń ınvestısııalyq áleýetin arttyrýdy talqylaý úshin jınalyp otyrmyz, - dedi Berdibek Saparbaev, sharaǵa qatysýshylarǵa arnaǵan sózinde.
Sondaı-aq, kezdesý aıasynda «Jelenergo» JShS-men Mártók aýdanynda jel elektr stansııasyn salý týraly memorandýmǵa qol qoıyldy. Bul jobanyń tehnologııalary EKSPO-2017 halyqaralyq kórmesinde de kórsetildi. Jalpy alǵanda, óńirde EKSPO-2017-niń 6 ınnovasııalyq tehnologııasy engizildi. Nátıjesinde ken óndirý ónerkásibiniń baǵasy 1,5%-ǵa tómendedi, al munaı óndirisi 10%-ǵa ósti. EXPO-2017-niń taǵy 15 tehnologııasy iske asyrylý kezeńinde.
