Keshe katolıkter Rojdestvosyn toılady

Keshe, senbi kúni  keshke oblys ákimi  Sergeı Kýlagın Qostanaıdaǵy  «Ýspenııa Bogorodısy» rım-katolık prıhodyna kelip, kotolık dini ókilderin Rojdestvomen quttyqtady. Ákim prıhodtyqtarǵa  densaýlyq, otbasylaryna baqyt tiledi. Ákim sonymen qatar elimizdegi  dostyq pen  kelisim, yntymaq pen bereke qazaqstandyqtardyń basty baılyǵy ekenin aıtty. Keń baıtaq Qazaqstanda  alańsyz ómir súrip otyrǵan árkim óz dinimen qatar ózge dinge de toleranttyqpen,  qurmetpen qaraýy tıis. Bizdiń Prezıdentimiz Nursultan Nazarbaev álemdegi barlyq konfessııalardy yntymaqqa  shaqyryp, úlgili is bastady. Bul aldymen  ár qazaqstandyqqa  ónege bolýy kerektigin de  eskertti ákim. Jeltoqsannyń 24-nen 25-shi juldyzyna qaraǵan túni  búkil álemde  sochelnık atap ótiledi. Bul dástúrdi  demokratııalyq  jolmen damyp kele jatqan Qazaqstan katolıkteri de ataıdy.  Soǵan oraı Qostanaıdaǵy katolıkterdiń prıhodynda rojdestvolyq  dinı shara ótti. Onda  dinı salt boıynsha mýzyka oınap, án aıtylyp, óleńder oqyldy. Munan keıin dinı saltpen  «Ýspenııa Bogorodısy» rım-katolık prıhodyndaǵy sochelnıkte keshki as berildi, onda  túrli músinder beınesinde pisirilgen  juqa nan syndyryp, taratyldy. Nannyń synyǵyn kimge usynsa oǵan  jaqsy tilekter aıtyldy.  Tún ortasyna qaraı saltanatty lıtýrgııa bastaldy. Onda katolık dinin ustaıtyndar qudaıǵa qulshylyq jasap, duǵa oqydy. Onyń sońy dinı oıyn-saýyqqa ulasty. Názıra JÁRIMBETOVA QOSTANAI Sýret: adzinstva.by