Joldaý talaptary túsindirildi

Tabıǵı monopolııalardy retteý agenttiginiń tóraǵasy Nurlan Aldabergenov bastaǵan jumys toby Soltústik Qazaqstan oblysynda jumys saparymen boldy. Jurtshylyqpen kezdesýler Joldaýdan týyndaıtyn talaptardy túsindirýge arnaldy.  №2 jylý elektr ortalyǵyndaǵy ınvestısııalyq jobalardyń júzege asyrylý barysyn jumys toby zeıin qoıa zerttedi. Munda qondyrǵylardy kúrdeli jóndeýden ótkizýge 2,8 mıllıard teńge jumsalǵan.  Taıaý arada №6 bý qazandyǵy paıdalanýǵa berilmek. Kelesi jyldan bastap 60 megavattyq jańa týrbına iske qosylady. Sońǵy jyldary  JEO-nyń óndiris qýattylyǵy 330-360 megavatqa ulǵaıyp, energııa únemdeý baǵytynda da oń kórsetkishterge qol jetkizip otyr. Ardagerler keńesi músheleriniń, tabıǵı monopolııa sýbektileri jetekshileriniń, páter ıeleri kooperatıvteri men qoǵamdyq uıymdar ókilderiniń qatysýymen ótken jıynǵa Nurlan Aldabergenov pen oblys ákimi Serik Bilálov qatysyp, turǵyn úı-kommýnaldyq sharýashylyǵyn jańǵyrtý, tarıf saıasatyn úılestirý máseleleri keńinen sóz etildi.  Agenttik tóraǵasy óz sózinde «Jol kartasy»  aıasynda  turǵyn úı-kommýnaldyq sharýashylyq nysandaryn qalpyna keltirýde kóp jumystar atqarylǵanyn, endigi basty nazar, Joldaýda atap kórsetilgendeı, turǵyn úı qatynasynyń ońtaıly modelin qurýdy qamtamasyz etýge aýdarylyp otyrǵanyn aıta kelip, Úkimettiń tarıf saıasatyndaǵy ustanymyn áńgimelep berdi. Kórshiles eldermen salystyratyn bolsaq, jylý qýaty bizde  arzan. Sol sııaqty sýdyń tutyný baǵasy da tómen. Munyń ózi adamdardyń ómir sapasyn jaqsartýdaǵy memleket qamqorlyǵyn aıǵaqtasa kerek, dedi N.Aldabergenov. О́ńirdegi ınvestısııalyq mindettemelerdiń oryndalýyn oń baǵalady.  Ártaraptandyrylǵan tarıfter engizý tájirıbesin quptady.  Basqosýda shyǵyp sóıleýshiler shyǵyn kózderin kemitýdiń múmkindikteri tolyq paıdanylmaı otyrǵanyn atap  kórsetti.  Derekterdiń árqılyǵynan naqty jaǵdaıdy baǵalaý qıyn. Jylý trassalarynyń ashyq-shashyq jatatynyn jıi kezdestirýge bolady. Sol sııaqty sý ysyraby da tyıylmaı otyr. Keńesti aımaq basshysy S.Bilálov qorytyp, turǵyn úı-kommýnaldyq sharýashylyq ınfraqurylymyn jańǵyrtý salasynda úlken mindetter turǵanyn,  ony oryndaýdyń jergilikti kózderi mol ekenin jetkizdi. О́mir ESQALI,  Soltústik Qazaqstan oblysy.