Qazaqstan Respýblıkasy Úkimetiniń qaýlysy № 1326

2011 jylǵy 11 qarasha,    Astana, Úkimet Úıi «Eldi mekenderde syrtqy (kórneki) jarnama obektilerin ornalastyrý erejesin bekitý týraly» Qazaqstan Respýblıkasy Úkimetiniń 2008 jylǵy 7 aqpandaǵy №121 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Eldi mekenderde syrtqy (kórneki) jarnama obektilerin ornalastyrý erejesin bekitý týraly» Qazaqstan Respýblıkasy Úkimetiniń 2008 jylǵy 7 aqpandaǵy №121 qaýlysyna (Qazaqstan Respýblıkasynyń PÚAJ-y, 2008 j., №7, 69-qujat) mynadaı ózgerister men tolyqtyrý engizilsin: kórsetilgen qaýlymen bekitilgen Eldi mekenderde syrtqy (kórneki) jarnama obektilerin ornalastyrý erejesinde: 2-tarmaqta: 3) tarmaqsha mynadaı redaksııada jazylsyn: «3) jergilikti atqarýshy organ – respýblıkalyq mańyzy bar qalanyń, astananyń, aýdandardyń, oblystyq mańyzy bar qalalardyń jergilikti atqarýshy organdary;»; mynadaı mazmundaǵy 4) tarmaqshamen tolyqtyrylsyn: «4) mańdaısha – saýda (jumystardy oryndaý jáne qyzmetter kórsetý) sýbektisiniń emble­masyn, taýarlyq belgilerin, brendterin qosa alǵanda, osyndaı sýbekti taýarlardy satatyn, qyzmet­ter kórsetetin jáne jumystar oryndaıtyn jerlerdegi jyljymaıtyn obektilerde ornalasty­rylatyn onyń ataýy men qyzmet túri týraly aqparat.»; 4 jáne 16-tarmaqtar mynadaı redaksııada jazylsyn: «4. Saýda, qoǵamdyq tamaqtandyrý, turmystyq qyzmetter kórsetý salasynyń kásiporyndary ornalastyratyn mynadaı jarnama obektileri: 1) mańdaısha; 2) jaıma sóreler men terezelerdi bezendirý; 3) jumys rejımi týraly aqparat; 4) úı-jaılardyń ishki bezendirilýi syrtqy (kórneki) jarnama obektilerine jatpaıdy.»; «16. Jergilikti atqarýshy organ ótinishti alǵannan keıin bes jumys kúni ishinde syrtqy (kórneki) jarnama obektilerin ornalastyrýǵa ruqsat beredi ne negizdi túrde bas tarta otyryp, jazbasha jaýap qaıtarady.». 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.