Qazaqstan Respýblıkasy Úkimetiniń qaýlysy № 1334

2011 jylǵy 14 qarasha, Astana, Úkimet Úıi Áleýmettik mańyzy bar qyzmetterdiń ólshemderin bekitý týraly «Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańynyń 1-babynyń 2-10-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan áleýmettik mańyzy bar qyzmetterdiń ólshemderi bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 14 qarashadaǵy №1334 qaýlysymen bekitilgen Áleýmettik mańyzy bar qyzmetterdiń ólshemderi 1. Jalpy erejeler 1. Osy áleýmettik mańyzy bar qyzmetterdiń ólshemderi (budan ári – О́lshemder) «Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańyna sáıkes memlekettik qyzmetterdi áleýmettik mańyzy bar qyzmetterge jatqyzý úshin ázirlengen. 2. Osy О́lshemderde mynadaı uǵymdar paıdalanylady: 1) áleýmettik mańyzy bar qyzmet – jeke jáne (nemese) zańdy tulǵalardyń áleýmettik-ekonomıkalyq quqyqtaryn qamtamasyz etýge baǵyttalǵan memlekettik qyzmet kórsetý; 2) esepti kezeń – 1 qańtardan 31 jeltoqsanǵa deıingi kúntizbelik jyl. 3. Memlekettik qyzmet sapalyq jáne sandyq ólshemderge sáıkes kelgen jaǵdaıda áleýmettik mańyzy bar qyzmet bolyp tanylady. 2. Sapalyq ólshem 4. Áleýmettik mańyzy bar qyzmetterdiń sapalyq ólshemi mynadaı salalardyń birinde memlekettik qyzmet kórsetý bolyp tabylady: 1) Qazaqstan Respýblıkasynyń halqyn áleýmettik qamsyzdandyrý, qyzmet kórsetý jáne qorǵaý; 2) Qazaqstan Respýblıkasynyń halqyn jumysqa ornalastyrý, jumyspen qamtý; 3) densaýlyq saqtaý; 4) bilim berý; 5) turǵyn úı qatynastary; 6) kásipkerlik qyzmet. 3. Sandyq ólshem 5. Esepti kezeń ishindegi memlekettik qyzmet alý úshin ótinishter sany áleýmettik mańyzy bar qyzmetterdiń sandyq ólshemi bolyp tabylady: 1) jeke tulǵalar úshin – 350 myń jáne odan kóp ótinish; 2) zańdy tulǵalar úshin – 10 myń jáne odan kóp ótinish.