Qazaqstan Respýblıkasy Úkimetiniń qaýlysy № 1337

2011 jylǵy 14 qarasha,   Astana, Úkimet Úıi «Erekshe qorǵalatyn tabıǵı aýmaqtardyń jerin bosalqy jerge aýystyrý erejesin bekitý týraly» Qazaqstan Respýblıkasy Úkimetiniń 2009 jylǵy 17 aqpandaǵy №172 qaýlysyna ózgeris engizý týraly Qazaqstan Respýblıkasynyń 2003 jylǵy 20 maýsymdaǵy Jer kodeksine jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańyna sáıkes Qazaqstan Respýblıkasynyń Úkimeti qaýly etedi: 1. «Erekshe qorǵalatyn tabıǵı aýmaqtardyń jerin bosalqy jerge aýystyrý erejesin bekitý týraly» Qazaqstan Respýblıkasy Úkimetiniń 2009 jylǵy 17 aqpandaǵy №172 qaýlysyna ózgeris engizilsin: kórsetilgen qaýlymen bekitilgen Erekshe qorǵalatyn tabıǵı aýmaqtardyń jerin bosalqy jerge aýystyrý erejesi osy qaýlynyń qosymshasyna sáıkes jańa redaksııada jazylsyn. 2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2001 jylǵy 14 qarashadaǵy №1337 qaýlysymen bekitilgen Erekshe qorǵalatyn tabıǵı aýmaqtardyń jerin bosalqy jerlerge aýystyrý erejesi 1. Jalpy erejeler 1. Osy Erekshe qorǵalatyn tabıǵı aýmaqtardyń jerin bosalqy jerge aýystyrý erejesi (budan ári – Ereje) Qazaqstan Respýblıkasynyń 2003 jylǵy 20 maýsymdaǵy Jer kodeksine jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańyna sáıkes ázirlendi jáne erekshe qorǵalatyn tabıǵı aýmaqtardyń jerin bosalqy jerge aýystyrý tártibin aıqyndaıdy. Memlekettik ekologııalyq saraptamanyń oń qorytyndysy bolǵan kezde memlekettik baǵdarla­malarda kózdelgen týrızm obektileriniń, erekshe strategııalyq mańyzy bar sý sharýashylyǵy ǵımarattarynyń qurylysy jáne jumys isteýi úshin shektelgen sharýashylyq qyzmeti rejımi belgilengen ýchaskelerdi ǵana, sondaı-aq Qazaqstan Respýblıkasynyń Memlekettik shekarasynyń obektilerin salý, olardy jaılastyrý jáne kútip-ustaý úshin yqtımal ornalastyrýdyń basqa joldary bolmaǵan kezde osy Erejede belgilegen tártippen erekshe qorǵalatyn tabıǵı aýmaqtardyń jerin bosalqy jerge aýystyrýǵa jol beriledi. 2. Osy Erejede mynadaı uǵymdar paıdalanylady: 1) Qazaqstan Respýblıkasy Memlekettik shekarasynyń obektisi (budan ári – Memlekettik shekara obektisi) – shekara qyzmetiniń bólimsheleri ornalasqan, ınjenerlik-tehnıkalyq qurylystar men tosqaýyldardy, shekaralyq belgilerdi, shekaralyq soqpaq joldardy, kommýnıkasııalardy jáne memlekettik shekara ótkizý pýnktterin jaılastyrýǵa jáne kútip ustaýǵa arnalǵan oryn; 2) erekshe strategııalyq mańyzy bar sý sharýashylyǵy qurylysy (budan ári – sý sharýashylyǵy qurylysy) – Qazaqstan Respýblıkasynyń Prezıdenti aıqyndaıtyn erekshe strategııalyq mańyzy bar sý sharýashylyǵy qurylystarynyń tizbesine engizilgen, sý resýrstaryn paıdalaný men qorǵaýdy retteý, sýmen jabdyqtaý, sý burý jáne sýdyń zııandy áserin joıý maqsatynda qoldan jasalǵan gıdrotehnıkalyq qurylystar men qurylǵylar; 3) týrızm obektisi (budan ári – týrızm obektisi) – týrızm ındýstrııasynyń obektisi, onyń ishinde týrısterdi, kólikti, qoǵamdyq tamaqtandyrý obektilerin, oıyn-saýyq obektileri men quraldaryn, tanymdyq, saýyqtyrý, sporttyq jáne basqa da maqsattaǵy obektilerdi ornalastyrý úshin qajet, qurylysy memlekettik baǵdarlamada kózdelgen ǵımarattar men qurylystar jıyntyǵy. 2. Erekshe qorǵalatyn tabıǵı aýmaqtardyń jerin bosalqy jerge aýystyrý tártibi 3. Týrızm obektisin, sý sharýashylyǵy qurylysyn, Memlekettik shekara obektisin yqtımal ornalastyrýdyń basqa nusqalarynyń (oryndarynyń) bolmaýy bóliginde olar ornalastyrylatyn derler erekshe qorǵalatyn tabıǵı aýmaqtar salasyndaǵy ýákiletti organmen (budan ári – ýákiletti organ) kelisiledi. 4. Ýákiletti organ salynýy men jumys isteýi erekshe qorǵalatyn tabıǵı aýmaqtardyń jerin bosalqy jerge aýystyrýdy qajet etetin týrızm obektisin, sý sharýashylyǵy qurylysyn, Memlekettik shekara obektisin yqtımal ornalastyrýdyń basqa nusqalarynyń (oryndarynyń) bolmaýy máselesin qaraý úshin komıssııa (budan ári – komıssııa) qurady. Komıssııa quramyna týrızm salasyndaǵy ýákiletti organdardyń (týrızm obektisin ornalasty­rýdy qaraý kezinde), aýmaqtyq orman jáne ańshylyq sharýashylyǵy ınspeksııasynyń, sý resýrstaryn retteý jónindegi basseındik ınspeksııanyń (sý sharýashylyǵy qurylystaryn ornalastyrýdy qaraý kezinde), Qazaqstan Respýblıkasy Ulttyq qaýipsizdik komıteti Shekara qyzmetiniń (Memlekettik shekara obektilerin qaraý kezinde), qaraýynda erekshe qorǵalatyn tabıǵı aýmaq bar memlekettik organdardyń jáne jerdi aýystyrýǵa bastamashy bolyp tabylatyn ózge organdardyń (budan ári – múddeli organ) ókilderi kiredi, ol suralyp otyrǵan jer ýchaskesin ornalasqan jerine baryp tekseredi. 5. Ýákiletti organ bekitken erekshe qorǵalatyn tabıǵı aýmaqty fýnksıonaldyq aımaqtarǵa bólýdi jáne onyń ınfraqurylymyn damytýdyń bas josparyn eskere otyryp shyǵarylǵan komıssııa­nyń oń qorytyndysy týrızm obektisin, sý sharýashylyǵy qurylysyn, Memlekettik shekara obekti­sin erekshe qorǵalatyn tabıǵı aýmaqta ornalastyrý oryndaryn kelisý úshin negiz bolyp tabylady. 6. Týrızm obektisin, sý sharýashylyǵy qurylysyn, Memlekettik shekara obektisin erekshe qorǵalatyn tabıǵı aýmaqta ornalastyrý oryndary kelisilgennen keıin múddeli organ erekshe qorǵalatyn tabıǵı aýmaqtardyń jerin bosalqy jerge aýystyrýdyń tehnıkalyq-ekonomıkalyq negizdemesin ázirleýdi uıymdastyrady. 7. Týrızm obektisin, sý sharýashylyǵy qurylysyn, Memlekettik shekara obektisin salý jáne olardyń jumys isteýi úshin erekshe qorǵalatyn tabıǵı aýmaqtardyń jerin bosalqy jerge aýystyrýdyń tehnıkalyq-ekonomıkalyq negizdemesi: 1) bosalqy jerge aýystyrylatyn suralyp otyrǵan jer ýchaskesin bólip berýdiń jerge ornalastyrý jobasyn; 2) suralyp otyrǵan jer ýchaskesin bosalqy jerge aýystyrý boıynsha zalaldy jabýǵa baılanysty shyǵyndardyń eseptemesin; 3) suralyp otyrǵan jer ýchaskesi men oǵan irgeles aýmaqtardaǵy memlekettik tabıǵı-qoryq qory obektilerin barynsha tolyq saqtaý jáne qorǵaý jónindegi is-sharalardy oryndaýǵa jumsalatyn shyǵyndardyń eseptemesin; 4) rekreaksııalyq júktemeler normalaryn aıqyndaı otyryp (týrızm obektisi úshin) tabıǵı keshenderdi rettelmeli týrıstik maqsatta paıdalaný sharttaryn; 5) memlekettik tabıǵı-qoryq qory obektilerin barynsha tolyq saqtaýdy eskere otyryp, úı-jaılardy, ǵımarattardy, kommýnıkasııalardy, joldardy ornalastyrý oryndary kórsetilip, týrızm obektisin, sý sharýashylyǵy qurylysyn, Memlekettik shekara obektisin salý úshin suralyp otyrǵan jer ýchaskesiniń nobaıyn (nobaılyq jobany); 6) qorshaǵan ortaǵa áserin aldyn ala baǵalaýdy qamtıdy. 8. Ýákiletti organ bekitken, memlekettik ekologııalyq saraptamanyń oń qorytyndysyn alǵan tehnıkalyq-ekonomıkalyq negizdeme erekshe qorǵalatyn tabıǵı aýmaqtardyń jerin bosalqy jerge aýystyrý týraly Qazaqstan Respýblıkasynyń Úkimeti qaýlysynyń jobasyn ázirleýge negiz bolyp tabylady.