Saılaý-2012

Elimizdiń basty baılyǵy – adam «Nur Otan» partııasynyń XIV se­zin­de aldaǵy Májilis saılaýynda tu­ǵyr­nama retinde «Qazaqstan. 2017 maq­sattary. Ulttyq is-qımyl jospary» jarııa etilgen bolatyn. Partııa Prezı­dent­tiń «Qazaqstan-2020» Strategııa­lyq josparyn júzege asyrýdyń saıası kepili bolyp tabylady. Qujatta «Biz elimizdiń basty baılyǵy – adam, onyń bilimi, múmkindikteri, densaýlyǵy men ıgiligi ekendigine tolyq senimdimiz», – dep atap kórsetilgen. Keshe Qostanaıda ótken kezdesýde ekonomıka, áleýmettik qamtamasyz etý, eńbekpen qamtý jáne bilim berý máse­le­le­ri sóz boldy. Qazaqstandaǵy iri kondıterlik fabrıka – «Baıan sulýda» Pre­zı­dentimizdiń ındýstrııalandyrý baǵ­darlamasy boıynsha jańa joba iske qo­syldy. О́ndiristi jańartý jáne damytý – bolashaqtaǵy tabysty jumys­tyń kepili. Sondyqtan bizdiń ujym Elbasyn jáne ol basqaryp otyrǵan partııanyń saıasatyn biraýyzdan qol­daıdy, dedi kondıterlikter. О́ziniń saılaýaldy baǵdarlamasyn nurotandyqtar sondaı-aq Rýdnyı qala­syn­daǵy qarttar úıi men múgedekter úıinde turyp jatqandarǵa tanystyrdy. Múmkindigi shekteýli jandar – qoǵamnyń tolyqqandy músheleri. Olar da eńbek etip, laıyqty ómir súrip, tıisti emdik sharalardy alýǵa tıis, dep sanaıdy kezdesýge qatysýshylar. Al áleýmettik máseleler – «Nur Otan» partııasynyń basym baǵyttarynyń biri. – «Nur Otan» – bizge, múgedekterge kó­mektesip otyrǵan jalǵyz partııa. Son­dyqtan biz «Nur Otannyń» jeńisi úshin daýys beremiz! – dedi «DOS» táýelsiz ómir» ortalyǵy» múgedekter qo­ǵamynyń tóraıymy Dına Erdildinova. Sokolov-Sarybaı taý-ken baıytý kom­bınatynyń ujymy 15 qańtarda óte­tin saılaýda «Nur Otandy», el Prezıdenti, partııa Tóraǵasy Nursultan Nazarbaev júrgizip otyrǵan saıasatty qol­daıtynyn jarııa etti. Sokolov-Sarybaı taý-ken baıytý uıymynyń óndirisin saqtap qalý, jańǵyrtý jáne odan ári damytý tek qana memlekettiń kórsetip otyrǵan qoldaýy men ekonomıkadaǵy úlken reformalardyń arqasynda múmkin bolǵanyn kombınat ujymy jaqsy túsinedi. Názıra JÁRIMBETOVA, Qostanaı oblysy.   Patrıottar jastarǵa senim artady Bul joly patrıottyqtar fýtboldan jarys ótkizdi. Atalǵan sharany partııa belsendileri jastar arasynda sala­matty ómir saltyn qalyptastyrý maq­satynda uıymdastyrǵandyqtaryn aı­ta­dy. Partııanyń saılaýaldy tuǵyrna­masynda jastarǵa erekshe mańyz berilgen. Jastar – elimizdiń bolashaǵy, sondyqtan da jastardyń da keleshegin oılaý barshamyz úshin paryz, deıdi olar. Al atalǵan jarys dodasyna L.­N.Gý­mı­lev atyndaǵy Eýrazııa ulttyq ýnıversıtetiniń komandasy, S.Seıfýllın atyndaǵy Agrarlyq ýnıversıtet shákirtteri, Astana qalalyq fýtbol klýbynyń teńbil dop sheberleri jáne ózgeler de qatysypty. Birinshi oryndy Astana qalalyq fýtbol komandasy ıelense, ekinshi oryn «Shyǵys» aýla fýtbol klýby teńbil dop sheberlerine buıyrǵan. Úshinshi oryndy L.N.Gýmılev atyndaǵy Eýrazııa ulttyq ýnıver­sı­tetiniń jas komandasy qanjyǵalaryna baılaǵan. Oıyn qorytyndysy boıynsha Astana fýtbol klýbynyń oıynshysy Erjan Muhamedın eń úzdik fýtbolshy dep tanylypty. Qazaqstan Patrıottary partııasy saılaýaldy shtaby basshysynyń oryn­basary Janmurat Syrajıdenniń sózine qaraǵanda, eger partııa saılaýda jeńiske jetetin bolsa, onda eń aldymen jastar saıasatyn qaıta qaraý bastamasyn kóteredi. Iаǵnı, jastar elimizdiń qo­ǵam­dyq, sporttyq jáne áleýmettik ómirine belsene aralasa bastaıtyn bolady. Sondyqtan da partııa jastardyń ara­syn­daǵy talantty degenderin qoldap, barynsha qoldaý kórsetýge ázir. О́ıt­keni, áserli ótken oıyn barysy kór­set­kendeı, jastarymyz jeńiske degen umtylystarymen de erteńge degen senimdi uıalatyp otyr. Onyń ústine jastar tek ózderiniń sheberlikterin ǵana kórsetip qoımaı, uıymshyl ekendikterin, bir-birine qoldaý bolatyn ujym­shyl ekendikterin de tanyta bilgen. – Men jaqsy áser aldym, – deı kelip, J.Syrajıden jastardyń belsendiligin arttyrý úshin aýlaishilik klýb­tardyń jumysyn jandandyrǵan jón degendi de erekshe aıtyp ketti. Eger aýlalyq klýbtarǵa jan-jaqty qoldaý kórsetilse, onda jastardyń jaman isterden aýlaq bolýyna ıgi yqpaly tıer edi. Asqar TURAPBAIULY.   Júrgenovtegi júzdesý Almaty qalasynda, T.Júrgenov atyn­daǵy óner akademııasynyń más­lıhat zalynda «Rýhanııat» partııasy oqý ornynyń stýdentterimen jáne oqytý­shy­lar quramymen kezdecti. Kezdesýge «Rýhanııat» partııasynyń aty­nan Parlament Májilisiniń depýtat­tyǵynan úmit­­ker Erkin Raqyshev pen Mereke Qulkenov keldi. Jıyn ba­rysynda «Rýhanııat» partııasynyń alǵa qoıǵan maq­sattary aıtylyp, eger úmitkerler depý­tattyqqa ótetin bolsa, onda qarapaıym halyqtyń múddesi úshin, ıaǵnı turmysy nashar otbasy­larǵa kómek berý, stýdentter men jastarǵa qoldaý kórsetý, mú­ge­dek adamdarǵa járdem berý jáne bas­qa da ıgi ister baǵytynda jumys is­teıtindikterin jetkizdi. Partııa ókil­deri eń aldymen jazylǵan zań­dar­dyń tek qaǵaz júzinde emes, is júzinde iske asýyn qadaǵa­laıtyn­da­ryn aıtty. Budan ózge, aldaǵy saılaýda baq synaıtyn úmitkerler eldegi barlyq etnostyq top ókilderiniń teń quqyǵyn saqtaı otyryp, elimizdiń táýelsizdigi men egemendigine qaýip tóndiretin kez kelgen úderisterge tosqaýyl bolý jáne memlekettik til men rýhanı birlikti saqtaı otyryp, myǵym memleket qa­lyp­tastyrý mindetine árbir qazaq­stan­dyq­tyń úles qosýy, sol jolda eńbektenýi qajettigin atap kórsetti. Rýhanııattyqtar bilim berý, sonyń ishinde joǵary bilim berý júıesinde áli de reformalar jasaýdy, Ulttyq ǵylym akademııasyn qalpyna keltirip, Údemeli ındýstrııalyq-ınnovasııalyq baǵdar­la­ma­ny qaıta qaraý arqyly orta jáne joǵary bilimniń, ǵylymnyń memleket pen qoǵam ómirinde qarysh­ty damýyna jol ashý, ǵylym jetistikterin óndiriske engizý isinde shyn máninde álemdegi ozyq tájirıbeni tolyq eskergen jańa baǵ­darlama qa­byldaý sekildi partııa baǵ­darla­ma­synda kórsetilgen birqatar máse­leler týrasynda jastarmen oı bólisti. El erteńin saýatty mamanmen qamtamasyz etý úshin búgingi stýdent jastardy jataqhana-pátermen qamtamasyz etý arqyly olar­dyń tolyqqandy bilim alýyn, otbasyn quryp, jumysqa or­nalasýyn jáne ósip-ónýin qamtamasyz etetin arnaıy memlekettik «Jastar» baǵdarlamasyn qabyldaý qajettigin de tilge tıek etti. Sondaı-aq, stýdentter tarapynan suraqtar qoıylyp, ár suraq óz jaýabyn tapty deýge bolady. Qanat ESKENDIR, Almaty.   Aqjoldyqtar Altaıda boldy Dúısenbi kúni partııa tóraǵasy Azat Perýashev bastaǵan «Aq jol» QDP-nyń úgit-nasıhat toby О́skemen qalasyna keldi. О́r Altaıdyń tórine aıaq basqan partııa belsendileri memlekettik saıa­sat­tyń basty maqsaty turǵyndardyń ál-aýqatyn úzdiksiz arttyryp otyrý ekenin atap kórsetti. Keshe úgit-nasıhat toby elimizdiń tuńǵysh avtokólik óndirisi – «Azııaavto» kólik qurastyrý zaýytyna kelip, ujym jumysshylarymen kezdesip, emen-jarqyn áńgimelesti. Zaýyttyń konveıerindegi shyǵarylyp jatqan avtokó­lik­ter­diń sapasyna jete nazar aýdardy. «Azııaavtonyń» prezıdenti Erjan Mándıev «Aq jol» partııasy atynan Parlament Má­jilisiniń depýtattyǵyna úmitker bolyp tirkelgen. Azat Perýashev zaýyt jumys­shylarymen kezdesýde par­tııa­nyń baǵ­dar­lamasymen tanys­tyr­dy. – Sońǵy kezde «Aq jol» partııasyna kirgenderdiń kópshiligi jastar. Jastar – bolashaǵymyz, tiregimiz. Shyraıly Shyǵysta da partııa qataryna jastar kóptep ótip jatyr. Oǵan qýanamyz. «Aq joldyń» kásipkerlikti damytý týraly usynystary, tutastaı alǵanda, el ekonomıkasy damýynyń jahandyq jetistikterine jastardyń óz úlesterin qosý boıynsha yntalandyrý bolyp tabylady. Endeshe, zaýyt jumys­shylary saılaý kúni bizdi qoldaıdy degen nıettemin, – dedi partııa tóraǵasy. Sol kúni tústen keıin partııa belsendileri «Shaıne Rıver» qonaq úıiniń konferens zalynda jergilikti kásip­ker­lermen dóńgelek ústel jıynyn ót­kiz­di. Jıyndy ashqan partııa tór­aǵasy al­da­ǵy turǵan mindetterge toq­ta­lyp, El­ba­synyń Qazaqstan táý­elsizdiginiń 20 jyl­dyǵy merekesinde sóılegen sóz­de­ri­nen úzindi keltire kelip, kásipkerlikti damytý má­selelerin ortaǵa saldy. «Shyraıly Shyǵysta kásipkerlik damyp keledi, biraq aýyldyq jerlerdegi kásipkerlik baıaý alǵa jyljýda», dedi A.Perýashev. Keshkisin Metallýrgterdiń máde­nıet úıinde kóńildi tapqyshtar klý­by­nyń básekesi ótti. Oǵan partııa belsendileri qatysyp, Májilis depýtat­tyǵyna kandıdat kúmis kómeı ánshi Kenjeǵalı Myrjyqbaı ánnen shashý shashty. Ońdasyn ELÝBAI, О́skemen.   Úzdik úshtiktiń qatarynda tur Astana qalalyq «Medıa Astana» qoǵamdyq birlestiginiń tapsyrysymen «InfoSystem» zertteý ortalyǵy Parlament saılaýy qarsańyndaǵy elek­to­rat­tyń belsendiligin anyqtaý maqsa­ty­men saýaldama júrgizdi. 4 jel­toq­san men 23 jeltoqsan aralyǵynda uı­ymdastyrylǵan saýaldamaǵa Astana men Almaty qalalary jáne 14 oblys ortalyqtary men eldi mekenderindegi 1597 adam qatysqan. Qazaqstandyqtar ózderiniń saılaýǵa belsendi túrde qatysatynyn bul joly da kórsetken. Suralǵandardyń 75 paıyzy ózderiniń saılaýǵa baratynyn jáne daýys berýge belsene qatysqysy keletinin aıt­qan. Olar ózderiniń daýys berý ná­tı­jesinen el bolashaǵynyń qandaı bol­maq­tyǵy sheshiletinine senimdi. Mu­nyń ózi halyqtyń basym kópshiligi Qa­zaqstanda bolyp jatqan demo­kra­tııa­lyq reformalardyń oń nátıje beretinine senim artatynyn da kór­se­tedi. «InfoSystem» zertteý ortalyǵynyń dırektory Saltanat Ahmetova úgit-nasıhat naýqanynyń áli óz kúshine ene qoımaǵanyna qaramastan, elek­to­rat­tyń osynshalyqty belsendi kóńil-kúıde ekendigin jaqsylyqqa balaıdy. Mundaı merzimde osynshalyqty kór­setkish bola bermeıdi, deıdi ol. Saı­laýǵa saýaldama berilgen halyqtyń 9,5 paıyzy ǵana oǵan qatysýdan bas tartypty. Al endi saılaýshylardyń qaı partııaǵa búıregi buratyndyǵyna kelsek, Jalpyulttyq sosıal-demokra­tııa­lyq partııaǵa daýys bergisi keletinder suraý salynǵandardyń 2,1 paıyzyna jetip otyr eken. Osynyń ózi JSDP belsen­di­leri­niń halyqpen tyǵyz baılanysta ekenin aıǵaqtasa kerek. Osy oraıda Ja­ńa­ózendegi oqıǵany attap kete al­maı­syń. Kezinde ereýildegen munaıshy­lar­dyń arasyna JSDP-nyń belsendileri baryp, qoldan keler kómekterin usynǵany belgili. Halyq osy bir il­tıpatty, ásirese, búgingi tańda laıyq­ty baǵalaıtyn sekildi. Búgin partııanyń Almatydaǵy belsendileri «Shańyraq-2» shaǵyn aýda­nyndaǵy mektepte jurtshylyqpen kezdesse, Taldyqorǵan qalasy men As­tanadaǵy bólimsheleri de turǵy­lyqty jerlerinde birneshe kezdesýden ótkizetin bolady. Jaqsybaı SAMRAT.   Tańdaýynan taımaǵan qart kommýnıst “Qazaqstan Kommýnıstik halyqtyq partııasynyń” Ońtústik Qazaqstan ob­lysy fılıalynyń qurmetti tóraǵasy, jasy jetpistiń ústindegi Álı Sabyrov halyqshyl kommýnısterdiń atynan Parlament Májilisine depýtat bolyp bar­maq. Barmaq degenimiz artyqtaý bolar, dál qazir nıet ústinde. Barar-barmasyn saılaýshylar sheshedi. Kóp jyl partııalyq qyzmette bas­shylyq jasaǵan Álı Aryqbaıuly Oń­tústikte syıly. Kóp shal-shaýqandardaı shapan kıgizgen, at jetektetkenderdiń soıylyn soǵyp ketpeıdi. О́zindik oıy bar, aıtaryn bet-júzge qaramaı tike aı­tady. Derbes zeınetker. Balasy tabysy jaqsy qyzmette. Batys Qazaqstan obly­syn­da talaı eldi mekenderdi sý shaı­ǵan­da osy Álı Aryqbaıuly jı­naǵan jeke qarjysynan 1 mln. teńge aýdarǵan. Elbasymyz da Oralǵa baryp, zardap shekkenderge jańa úılerdiń kiltin tap­syr­ǵanda: “Sizderge halyq bolyp kó­mek­testi. Sony baǵalańyzdar, bilińiz­der. Ońtústiktiń bir ardager aqsaqaly óz qarajatynan 1 mln. teńge aýdardy”, degende osy Álı aǵamyzdy aıtqan bo­latyn. Álı qarııa Saryaǵash aýdanyn­daǵy birneshe eldi mekendi qarǵyn sý alǵanda da arnaıy esep-shotqa qarjy aýdarǵan. – Aqshasy kóp adam emespin. Ataq shy­ǵarý da oıymda joq. Biraq, el qı­nalyp jatqanda úıde tynysh jata al­maımyn, – deıdi aqsaqal aǵynan ja­rylyp. Bireýler Qazaqstannyń baılyǵyn tespeı soryp borsyqtaı semiredi. Urlyq aqshasyn sheteldik esep-shottaryna ja­syrady. Álı aǵamyz da osyǵan ań-tań. “Olar ulttyń patrıoty emes. Kez kelgen kúni satyp ketedi. Sondyqtan, ketkenderi abzal”, deıdi qart halyqshyl kommýnıst. Ásilinde, bul kisi partııanyń Ońtús­tik­tegi basshylyǵyn Nurlan Qadyrqulov degen azamatqa óz erkimen ótkizgen. Biraq, Almatydaǵy ortalyq “dem alsam” degenine kónbeıdi. Qurmetti tór­aǵa, ári Ońtústik Qazaqstan, Jambyl jáne Qyzylorda oblystary boıynsha kýratorlyq qyzmeti jáne bar. – Ońtústikten Májiliske partııa atynan meniń kandıdatýram usynyldy, – deıdi Álı Sabyrov. – Dám jazyp, saılaýshylar daýys berip jatsa, Parlamentte biz kóteretin máseleler joq emes... Baqtııar TAIJAN, Shymkent.   Aýyldyqtar jer-jerdi aralap júr Qazaqstan sosıal-demokratııalyq «Aýyl» partııasynyń saılaýaldy ju­mys­tary elimizdiń barlyq óńirleri boı­ynsha óris ala bastady. Jýyqta osyndaı kezdesýlerdiń biri Aqmola oblysynyń Jarqaıyń aýdany­nyń jurtshylyǵymen bolyp ótti. Munda saılaýshylarmen S.Seıfýllın atyndaǵy Qazaq agrotehnıkalyq ýnı­ver­sıtetiniń professory Qýanysh Ábýov kezdesip, jınalǵandardy «Aýyl» par­tııa­synyń baǵdarlamasy jáne saılaý­aldy tuǵyrnamasymen tanystyrdy. «Aýyl» partııasy qyzmetiniń negizine san ǵasyrlyq revolıýsııalyq damý nátı­je­sin­de tujyrymdalǵan jáne qazirgi kezde neǵurlym damyǵan demo­kratııalyq elderde basymdyqqa ıe bolyp otyrǵan osy zamanǵy sosıal demokratııanyń túbegeıli qaǵıdattary alynǵandyǵyn aıta kele, bul partııa­nyń maqsattary adamdarǵa jaqyn jáne túsinikti ekendigin jetkizdi. Sondaı-aq, Taldyqorǵan qala­syn­daǵy «Aıseri» qonaq úıinde orna­lasqan «Aýyl» partııasynyń qalalyq shtabyndaǵy jurtshylyqpen kezdesýge Almaty oblystyq aýyl sharýashylyǵy basqarmasy bastyǵynyń orynbasary Sársenǵalı Ájibaev, «Zoologııa ıns­tıtýty» RMK bas dırektory Álıhan Medelbekov, Qazaq aýyl sha­rýashy­lyǵyn mehanıkalandyrý jáne elektr­lendirý ǵylymı-zertteý ınstıtýtynyń bas dırektory Seıitqazy Kesheýov keldi. Munda kandıdattar oblystyq, qalalyq shtabtardyń júrgizip jatqan jumystarymen tanysyp, jınalǵan­darǵa partııanyń saılaýaldy tuǵyr­na­masynda qarastyrylǵan máseleler týraly áńgimeledi. Pavlodar oblysynyń Aqsý aýda­nynda Bilim jáne ǵylym mınıstr­liginiń Ǵylym komıteti tóraǵasynyń orynbasary Lázzat Qusaıynova, Aty­­raý oblysynyń aýdandarynda partııa­nyń ortalyq shtabynyń jetekshisi, aýyl sharýashylyǵy ǵylym­dary­nyń doktory, akademık Kóp­ma­ǵambet Elemesovpen bolǵan kezdesýler ba­rysynda da partııanyń baǵ­dar­lamasy týraly áńgime qozǵalyp, jurt­shy­lyq­tan kóp­tegen suraqtar tústi. Jına­lys­qa qa­tysqandardyń barlyǵy «Aýyl» par­tııasynyń saı­laýaldy tuǵyr­na­ma­syn qoldaı­tyn­dyqtaryn bildirdi. Suńǵat ÁLIPBAI.   Jurtshylyq tilegi eskeriledi «Ádilet» demokratııalyq par­tııa­synyń tóraǵasy Maqsut Nárikbaev 15 qańtarda ótetin Májilis saılaýy naý­qany aldyndaǵy úgit-nasıhat naýqa­ny­na oraı, Ońtústik Qazaqstan óńiri­ne sa­pa­ryn aıaqtady. Bul óńirge sapa­ry bary­synda partııa jetekshisi saı­laý­shy­lar­men júzdesip, olardyń kó­keıinde júr­gen máselelerine qulaq túrdi. Ońtús­tik­ke saparynyń úsh kúni ishinde M.Ná­rik­baev birqatar kezdesýler ótkizse, Qazy­ǵurt aýdanynda da bo­lyp, jurtshy­lyq­pen júzdesti. Ońtústik Qazaqstanda júrgizilgen úgit-nasıhat jumystarynyń sońǵy kú­nin­de M.Nárikbaev qaladaǵy Jurt­shy­lyqqa qyzmet kórsetý ortaly­ǵyn­da bolyp, jergilikti halyqpen kezdesti. Ártúrli máseleler boıynsha pikir al­ma­sylyp, ádemi áńgime óris aldy. Qala halqy jeke ıdentıfıkasııalyq nómirdi alý úshin tym qysqa merzim berilgenine ózderiniń narazy­lyq­taryn bildirip te úlgerdi. Bul kúni partııa tóraǵasy óz kezeginde kókónis pen jemis baǵasynyń sha­ryq­tap ketkenine nazar aýdardy. Onyń pikirinshe, ońtústik óńiri kók­ónis pen jemis ósirý óndirisiniń negizgi oshaǵy sana­la­ty­nyna qaramastan, mundaǵy baǵa Asta­nadaǵy baǵamen bir deńgeıde qoıylyp otyr. «Ádilet» demokratııalyq partııasy tóraǵasynyń elimizdiń Ońtústik Qa­zaqstan óńirine sapary EQYU baıqaý­shy­larymen ótken kezdesýmen aıaq­taldy.

*  *  *

О́tken jeksenbi kúni «Ádilet» de­mo­kratııalyq partııasy «Almaty ob­ly­sy Qaskeleń aýdanynyń «Shuǵyla» shaǵyn aýdanynda, «Aport» saýda oı­yn-saýyq kesheniniń janynda tur­ǵyn­darmen kezdesý ótkizdi. Bul kezdesýge partııa tór­aǵa­synyń birinshi oryn­ba­sary, Parlament Májilisi depýtat­ty­ǵyna «Ádilet» par­tııa­synan úmitker T.Sydyq, partııa appara­ty­nyń zańgeri E.Hasenov, sondaı-aq, Parlament Májilisi depýtattyǵyna jáne Al­maty qalasy máslıhaty depýtattyǵyna partııa atynan úmitkerler qatysty. Al keshe «Ádilet» demokratııalyq partııasy ókilderi Almatyda «2012-2014 jyldarǵa arnalǵan respýb­lı­ka­lyq bıýdjet týraly» taqyrybynda baspasóz máslıhatyn ótkizdi. Baspasóz máslıhaty kezinde ádilettikter atal­ǵan másele tóńireginde jýrna­lıs­ter­diń qoıǵan saýaldaryna jaýap berdi. Láıla EDILQYZY.