Syrtqy ister mınıstri Qaırat Ábdirahmanovpen kezdesý barysynda Qazaqstan jáne Prezıdent Nursultan Nazarbaev tarapynan jeke túrkitildes elderdiń arasyndaǵy yntymaqtastyq máselelerine asa zor mańyz beretini atap ótildi. «О́tken 6-shy TMYK Sammıti barysynda Memleket basshysy Túrki Keńesindegi yntymaqtastyq sheńberinde naqty maqsattar men mindetterdi anyqtady. Osyǵan baılanysty, Túrki keńesiniń Hatshylyǵy uıymnyń barlyq múshe-memleketteriniń múddelerin nazarǵa ala otyryp, olardy iske asyrýyn bastaý qajet. Qazaqstandyq taraptyń erekshe nazarynda Túrki keńesin jáne túrki ınstıtýttardy reformalaý máseleleri bolady. Hatshylyqtan úlken jáne jemisti jumysty kútemiz jáne óz tarapymyzdan Túrki keńesiniń Hatshylyǵyna tolyqtaı qoldaý kórsetýge ázirligimizdi quptaımyz», - dedi Mınıstr.
B. Ámireev Túrki keńesiniń aǵymdaǵy qyzmeti men aldaǵy jumys boıynsha josparlary týraly habarlady. Bas hatshy Túrki keńesiniń múshe memleketterimen ótkizilip jatqan jumystary týraly aqparat berdi.
Túrki keńesiniń 6-shy Sammıti barysynda Memleket basshysy kólik salasynda yntymaqtastyqty damytý máselesin jandandyrýdy, atap aıtqanda tarıftik saıasatty ońtaılandyrýdy jáne Túrki keńesi múshe memleketteri arasyndaǵy tranzıttik tasymaldaý jaǵdaıyn damytýdy, «Astana» Halyqaralyq qarjy ortalyǵy alańyn belsendi túrde qoldanýǵa shaqyrdy, «Zamanaýı Jibek joly» týrıstik jobasyn jyljytý sheńberinde Qazaqstanda qarjylyq turǵydan tartymdy jáne básekege qabiletti bolýyn qamtamasyz etý úshin tıisti sharalar ótizýdi, jastar saıasaty men mádenı-gýmanıtarlyq salalarda yntymaqtastyqty belsendi damytýdy usyndy. Qazaqstan Prezıdenti Túrki áleminiń baı mádenı jáne tarıhı murasyn atap ótip, «Túrki áleminiń kıeli jerleri» jáne «Túrki áleminiń 100 tuǵyrly tulǵasy» atty jobalardy múshe memlekettermen birlesip júzege asyrýdy usyndy.
Túrki keńesi Qazaqstan Prezıdenti N. Nazarbaevtyń bastamasymen qurylǵan bolatyn. Qazirgi tańda Túrki keńesiniń múshe memleketteri retinde Ázerbaıjan, Qazaqstan, Qyrǵyzstan jáne Túrkııa bolyp tabylady. 2018 jyly Túrki keńesiniń 6-shy Sammıti barysynda Majarstan Túrki keńesi janynda baqylaýshy mártebege ıe boldy. Uıymnyń bas-páteri Ystanbul qalasynda ornalasqan.
