«Bul qazan aıynda parlamenttik saılaýlardy beıbit jolmen ótkizý úmitine qaýip tóngenin kórsetedi. Biz aldaǵy saılaýǵa boıkot jarııalaǵan keıbir aýǵan saıası partııalarynyń málimdemelerine alańdaýshylyq bildiremiz. Ony keıinge qaldyrý Aýǵanstandaǵy jaǵdaıdyna sharlatý múmkin», - dep málimdedi Qaýipsizdik Keńesiniń otyrysynda Qazaqstannyń BUU janyndaǵy Turaqty ókili Qaırat Omarov.
Otyrys barysynda qazaqstandyq delegasııanyń basshysy eldegi jaǵdaıdy turaqtandyrýdaǵy basty ról aýǵandarǵa tıesili bolýy kerek degen Aýǵanstan úkimetiniń pikirimen nıettes ekenin bildirdi. Sonymen birge, ol Qaýipsizdik Keńesi músheleriniń nazaryn IShIM/DAISh terrorıstik toptary jaýyngerleriniń sany Aýǵanstanda, ásirese eldiń soltústiginde artqanyna aýdardy, bul óz kezeginde Ortalyq Azııa memleketteriniń qaýipsizdigine qaýip tóndiredi.
Bul turǵyda elshi Qazaqstannyń qaýipsizdik pen damýdyń ózara baılanysyna qatysty usynǵan kózqarasyn taǵy da atap kórsetti. Turaqty ekonomıkalyq damý jáne jumys oryndaryn qurý halyqty jumyspen qamtýdy kúsheıtýge, jastardy lańkestik toptar qurýǵa jáne qaýipsizdikti nyǵaıtýǵa jol bermeıtin bolady. Ol birlesken jobalardy iske asyrýǵa jáne Aýǵanstannyń Ortalyq Azııa saýda-ekonomıkalyq yntymaqtastyǵyna jańa qatynastar modeli retinde qosylýyna járdemdesýge shaqyrdy. «Ortalyq Azııanyń barlyq memleketteri bizdiń aýǵan áriptesterimizben uzaq merzimdi yntymaqtastyqty qurýdy jáne ınfraqurylym, tranzıt, kólik, energetıka jáne basqa salalarda aımaqaralyq ózara baılanysty qurýdy kózdeıdi», - dep atap ótti Q. Omarov.
Qaqtyǵystardy aldyn alý da áıelder men jastardyń atqaratyn ortalyq róline erekshe nazar aýdaryldy. Qazaqstannyń turaqty ókili BUU Qaýipsizdik Keńesi otyrysynyń qatysýshylaryna Astanada ótken «Aýǵanstan áıelderiniń quqyqtary men múmkindikterin keńeıtý» óńirlik konferensııanyń, sondaı-aq 2019-2020 jyldary aýǵan áıelderi úshin qosymsha stependııa bólý týraly Qazaqstan Úkimetiniń sheshimin jetkizdi. Bul sheshim 50 mıllıon AQSh dollaryn quraıtyn arnaıy bilim berý baǵdarlamasy boıynsha 1000 aýǵan azamattyq mamandardy daıarlaý jónindegi bastamanyń jalǵasy boldy. Sonymen qatar, Qazaqstannyń, О́zbekstannyń jáne Eýropalyq Odaq elderiniń eki eldiń joǵary oqý oryndarynda aýǵan áıelderine kásiptik-tehnıkalyq trenıngter ótkizý jáne olardy daıarlaý boıynsha eksperımenttik jobany bastaý nıeti týraly aıtyldy.
Otyrysta BUU Bas hatshysynyń Arnaıy ókili jáne BUU-nyń Aýǵanstanǵa kómek kórsetý mıssııasynyń basshysy Tadamıchı Iаmamoto Aýǵanstannyń qaýipsizdik jaǵdaıyna jáne parlamenttik saılaýlaryna kedergi týý qaýpine alańdaýshylyǵyn bildirdi. Degenmen, Arnaıy ókil Aýǵanstanda mańyzdy sheshimder qabyldaý ýaqyty kelgenin atap ótti. «Bul sheshimder qoǵam negizine jáne Aýǵanstannyń bolashaǵyna yqpal etetin bolady», - dedi T. Iаmamoto.
Esterińizge salsaq, Aýǵanstandaǵy parlamenttik saılaýlar 2018 jyldyń 20 qazanyna josparlanǵan. Onda Aýǵanstan Ulttyq Assambleıasy tómengi palatasynyń músheleri saılanbaq. Sońǵy ret parlamenttik saılaýlar 2010 jyly ótken bolatyn. Aýǵanstan parlamentiniń ókilettik merzimi 2016 jyldyń 22 maýsymynda aıaqtaldy, biraq prezıdent Ashraf Ganı eldegi qaýipsizdik jáne turaqsyzdyq sebepterine baılanysty saılaýdy keıinge qaldyrǵan bolatyn.
