Osymen tup-týra 10 jyl qatarynan ótkizilip, bıyl Astana qalasynyń 20 jyldyǵynyń aıasynda uıymdastyrylǵan sharanyń maqsaty Astana qalasynyń dárejesin kóterýge úlesin qosa otyryp, memlekettik jastar saıasatyna atsalysý bolatyn.
Sondaı-aq − «Máńgilik el» Jalpyulttyq patrıottyq ıdeıanyń, Jalpyǵa ortaq eńbek qoǵamy ıdeıasy jáne onyń qundylyqtaryn, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan mindetterge óz úlesin qosý jáne nasıhattaý bolyp tabylady.
Barlyǵy 17 komanda qatysqan «Ákim kýbogy» óz maqsatyna jetkendeı. О́ıtkeni úshinshi jyl qatarynan sharaǵa sheteldik komandalar qatysty. Bıyl qyrǵyzstandyq «Alatoo» komandasy saıystyń mańyzyn arttyrdy.
AlaToo
Jaıdarmanshylardyń ónerine baǵa bergen qazylar alqasynyń quramynda: «Qazaq radıolary» JShS basshysy Mádı Manatbek, qoǵam qaıratkeri Murat Ábenov, satırık Kópen Ámirbek, QR Parlamenti májilisiniń depýtaty Bahtııar Máken jáne Astana qalasy qoǵamdyq damý isteri basqarmasynyń basshysy Danııar Esın boldy.
Qazylar alqasy
Oıyn nátıjesinde bas júlde men 1 000 000 teńge kólemindegi qarjylaı syıdy 2015 jylǵy joǵary lıga chempıony «Kúltegin» komandasy qanjyǵasyna baılady.
KÚLtegin
Al ekinshi oryndy (500 000 teńge) bıyl alǵash maýsymdaryn bastap jatqan Almaty tehnologııalyq ýnıversıtetiniń «Iýsýf Meroǵlynyń qaryndastary» komandasy ıelendi.
Iýsýf Meroǵlynyń qaryndastary
Mıllıonǵa qansha úmittense de, komanda ataýymen laıyq bolsa da, sál daıyndyqtary kem túsip, shymkenttik «Mıllıon» qola júlde men úsh júz myń teńgege qanat etti.
Mıllıon
Qazylar arnaıy jobanyń úzdik oıynshysy retinde «Zertas» komandasyndaǵy áńgimeshil jigit Nurlybek Jappardy tańdap, bir aýyzdan 200 000 teńgeni tabystady.
Nurlybek Jappar
Bul joba kelgen kórermenge de, qatysqan toptarǵa erekshe áser qaldyrdy. Joǵary deńgeıdegi uıymdastyrý jáne kásibı redaktorlyq jumys nátıjesinde jyldyń basty oıyny sátti ótkizildi. Tek ókinishtisi — halyqqa súıikti «Kúltegin» sekildi komandalardyń sahnamen qoshtasqany. Jaıdarmannyń esikteri árqashan súıikti túlekteri men kórermenderine aıqara ashyq ekenin aıtqymyz keledi.
Barlyq qatysýshylar
