Kópshilik aldynda sóz sóılegen aýdan ákimi Baqyt Asanov jańadan qurylǵan aýdanǵa tanymal boksshynyń kelýi úlken qýanysh ekenin, jergilikti jerden myqty sportshylardy, kásipqoı boksshylardy daıyndap shyǵarý úshin Qanat Islam sııaqty tulǵalardy nasıhattaý jalǵasatynyn atap ótti. Sondaı-aq aýdan ákimi qazaq batyrynyń astyna tulpar mingizip, ústine shapan japty. Qanat Islammen birge kelgen túıe palýan, «Qazaqstan barysy» týrnıriniń júldegeri Jumanazar Ersultanovqa da qurmet kórsetildi.
Qanat Islam maqtaaraldyq jas boksshylarǵa aqyl-keńesin aıtyp, master-klass ótkizdi. Al Maqtaaral agrokolledjinde stýdenttermen kezdesip, jastardyń kókeıinde júrgen suraqtaryna jaýap berdi.
Ǵalymjan ELShIBAI,
«Egemen Qazaqstan»
Túrkistan oblysy.
