Bıylǵy jyldyń 19 maýsymynda Memleket basshysynyń Jarlyqqa sáıkes, Túrkistan qalasy oblys ortalyǵyna aınaldy. Atalǵan ózgerister aımaqtyń qarqyndy damýyna túrtki bolatyny sózsiz. «Bul otandyq bıznestegi erekshe oqıǵa. Forým aıasynda ınvestısııalyq blok boıynsha 250 sheteldik qonaq: jeke ınvestorlar, halyqaralyq transulttyq kompanııalardyń ókilderi, ınvestısııalyq qorlardyń, qarjy ınstıtýttary men bankterdiń basshylary keledi dep kútilýde», – deıdi Túrkistan oblysy ákiminiń orynbasary Erbol Tasjúrekov.
Sarapshylardyń aıtýynsha, ınvestısııalardyń qomaqty bóligi týrızm salasyna baǵyttalady. 2017 jyldyń qorytyndysy boıynsha, Túrkistan qalasyna kelgen týrıster sany 1,2 mln adamdy quraǵan (57,2%-ke ósken). Al 2018 jyldyń birinshi jarty jyldyǵynda qalaǵa kelýshiler sany 700 myńnan asty, bul ótken jyldyń osy kezeńimen salystyrǵanda 60%-ke kóp.
Forým Túrkistan oblysynyń ákimi Q.J.Túımebaevtyń qoldaýymen ótedi. Tap osy shara aıasynda eń basty aqparattyń, ıaǵnı Túrkistan oblysynyń qalaı damıtyny jáne oblystyń aldynda qandaı ekonomıkalyq túıindi máseleler turǵandyǵy málim bolady.
«Egemen-aqparat»
