ShQO Dene shynyqtyrý jáne sport basqarmasynyń basshysy Asqar Mojanov О́skemende ótken baspasóz máslıhatynda «Altaı» álemdik básekede baq synaıtynyn aıtty.
«О́skemende klýbtyq Azııa chempıonaty alǵash ret byltyr ótkizilip, saıystyń joǵary dárejede ótýine zor baǵa berilgen edi. Osyny eskere kele Halyqaralyq voleıbol konfederasııasy (AVC) bıyl da dúbirli dodany qabyldaýǵa senim bildirgen bolatyn. Chempıonat barysyna Halyqaralyq voleıbol federasııasynyń (FIVB) atqarýshy komıteti keńesiniń múshesi Stav Iаkobı qatysqan edi. Qurlyq dodasy máresine jetkennen keıin aımaq basshysy Danıal Ahmetov atalmysh Federasııaǵa klýbtyq áıelder komandalary arasyndaǵy Álem chempıonatyna «Altaıdy» qatystyrýǵa nıet bildirdi. Osy oraıda, FIVB basshylyǵy Azııa chempıonatynyń oıdaǵydaı ótkizilýine kóńili tolyp, oblys ákiminiń nıetin quptady. Sondaı-aq bedeldi básekede baq synaýǵa wild card-ty tabystady», - dedi Asqar Mojanov.
2015 jyly qurylǵan «Altaı» klýby el voleıboly tarıhynda klýbtyq komandalar arasyndaǵy Álem chempıonatyna tuńǵysh ret qatysady. Áıelder klýbtary arasyndaǵy báseke 1991 jyldan bastap qolǵa alynyp, 2010 jyldan beri dástúrli túrde ótkizilip keledi. Munyń aldynda aýqymdy jarysty Brazılııa (1991, 1994 j), Italııa (1992j), Katar (2010, 2012 j), Shveısarııa (2013, 2015 j), Fılıppın (2016) jáne Japonııa (2017) elderi qabyldaǵan eken. Osy jarysta Brazılııa (1991, 1994, 2012 j), Italııa (1992 j), Ázerbaıjan (2011 j), Reseı (2014 j) jáne Túrkııa (2010, 2015, 2017 j) ala dopshylary altyn medal ıemdengen.
2018 jylǵy klýbtyq áıelder komandalary arasyndaǵy Álem chempıonaty 2-10 jeltoqsan aralyǵynda Qytaıdyń Chjeszıan aımaǵynda ótetin bolady.
