Kezdesý barysynda Memleket Basshysy Qaýipsizdik keńesiniń ulttyq qaýipsizdikti, zańdylyq pen quqyqtyq tártipti qamtamasyz etý, sondaı-aq elimizdiń qorǵanys qabiletin nyǵaıtý salasyndaǵy memlekettik saıasatty úılestirýdi júzege asyratyn arnaıy organ ekenin atap ótti.
– Qaýipsizdik keńesi týraly jańa zań Keńestiń ókilettigin meılinshe keńeıtedi. Osyǵan baılanysty normatıvtik quqyqtyq bazany, sonyń ishinde quqyq qorǵaý jáne arnaıy qyzmet organdarynyń jumysyn retteıtin qujattardy egjeı-tegjeıli zertteý qajet, – dedi Qazaqstan Prezıdenti.
Ǵ.Baıjanov Nursultan Nazarbaevqa Qaýipsizdik keńesiniń kezekti otyrysyn ótkizýge daıyndyq barysy jóninde málimdedi.
Kezdesý sońynda Memleket basshysy Qaýipsizdik keńesiniń aldaǵy jumystary jóninde birqatar naqty tapsyrma berdi.
