Memleket basshysy uıymdy reformalaý jáne Dostastyqtyń tujyrymdamalyq qujattaryn jańartý jolynda qolǵa alynyp jatqan sharalardyń tıimdiligin atap ótti. Sondaı-aq memleketaralyq qatynastardy odan ári tereńdetýge septigin tıgizetin birqatar perspektıvti baǵyttarǵa nazar aýdardy. Atap aıtar bolsaq, TMD-nyń ekonomıkalyq negizin nyǵaıtý jáne elder arasyndaǵy saýda kedergilerin joıýǵa baǵyttalǵan sharalar qabyldaý qajettigin jetkizdi.
Sonymen qatar Elbasy saýda-ekonomıkalyq qatynastardy keńeıtý jáne TMD-ǵa múshe barlyq elderdiń kólik-tranzıt áleýetin paıdalaný jónindegi máselelerge toqtaldy.
Budan bólek, N.Nazarbaev ǵylym jáne ǵarysh salasynda, sıfrlandyrý jáne týrızmdi damytý boıynsha birlesken jobalardy júrgizýge nazar aýdardy. Memleket basshysy Qazaqstanda qurylǵan «Astana» halyqaralyq qarjy ortalyǵynyń erekshelikteri jóninde áńgimelep, TMD-ǵa múshe memleketterdi ortalyq jumysyna belsene aralasýǵa shaqyrdy.
Aıta ketý kerek, Dýshanbede TMD memleketteri basshylarynyń kezekti otyrysy ótip jatyr. Jıynǵa Reseı Prezıdenti Vladımır Pýtın, Belarýs prezıdenti Aleksandr Lýkashenko, Ázerbaıjan Prezıdenti Ilham Alıev, Qyrǵyzstan Prezıdenti Sooronbaı Jeenbekov, Armenııa Premer-mınıstri Nıkol Pashınıan, Moldova Prezıdenti Igor Dodon jáne О́zbekstan Prezıdenti Shavkat Mırzııoev, Túrikmenstan mınıstrler kabıneti tóraǵasynyń orynbasary Pýrlı Agamýradov keldi.
Abaı ASANKELDIULY,
«Egemen Qazaqstan»
Dýshanbeden
