Qarttar kúni merekesine oraı aýdandarda asyl qazynamyz sanalatyn aǵa býynǵa qurmet kórsetilýde. Árıne arnaıy uıymdastyrylatyn syı-qurmetke qarııalardyń kóńili bir marqaıyp qalatyny anyq. Olarǵa bólingen kóńil men memlekettik qyzmettegi azamattardyń arnaıy kelip hal-jaǵdaı suraǵany qymbat.
Túrkistan oblysynyń Maqtaaral aýdanynda qarttar kúnine oraı aýdandyq jumyspen qamtý jáne áleýmettik baǵdarlamalar bóliminiń Atakent óńiri boıynsha jalǵyzilikti qarttar men múgedekterge úıde kómek kórsetý bólimshesiniń meńgerýshisi Aısulý Beknazarova demeýshilerdi uıymdastyryp, qarııalarǵa kómek kórsetti. Atakent óńirinde meken etetin jalǵyzilikti qarttardyń úılerine baryp, kóńil kúı syılap, qýanyshqa bóledi. Sondaı-aq aýdandyq jumyspen qamtý jáne áleýmettik baǵdarlamalar bóliminiń basshysy Baýyrjan Norbaevtyń bastamasymen jalǵyzilikti jáne áleýmettik jaǵdaıy tómen 90 qarııaǵa syı-sııapat uıymdastyrylyp, azyq-túlik taratyldy.
Ǵalymjan ELShIBAI,
«Egemen Qazaqstan»
Túrkistan oblysy
