Qazaqstan quramasy týrnır barysynda Japonııadan ǵana jeńildi. Esep – 17:12.
Fınalǵa deıin bizdiń komanda Qytaıdy 29:5, Gonkongty 26:14, Taılandty 17:0 esebimen tize búktirgen bolatyn.
Bir aıta keterligi, Azııa týrynyń birinshi aınalymynda Qazaqstan Qytaıǵa ese jibergen edi. Bul joly aıqyn basymdyqpen jeńiske jetti.
"Azııa týrynyń birinshi kezeńi Azıadanyń izin ala ótken edi. Sol sebepti, qatarynan eki iri jarysta synǵa túsý qyzdarǵa azdap qıyn soqty. Dese de, azdaǵan úzilisten soń biz sátti óner kórsettik. Ekinshi týrdyń fınaldyq synynda bir oıynshymyz eki mınýttyq eskertý almaǵanda, esep basqasha bola ma edi? О́kingenmen paıda joq. Endi bar kúshimizdi úshinshi ári sońǵy kezeńge saqtap otyrmyz", - dedi komanda bas bapkeri Valerıı Popov.
Eske sala keteıik, Azııa týrynyń birinshi kezeńinde Qazaqstan quramasy úshinshi satydan kórindi.
FOTO: Qazaqstan UOK baspasóz qyzmeti
