Bul kórme fotograftyń esirtki sheńgelinde zardap shekkender týraly avtorlyq týyndylarynan turady. Kórme maqsaty – nashaqorlyqqa táýeldi adamdardy qoǵamnan shettetpeı, olarǵa arasha bolýdy kózdeıdi. Iаǵnı «Metadon terapııasy» baǵdarlamasyna qatysty jobaǵa Almaty narkologııa dıspanseriniń 11 pasıenti de qatysty.
«Atalmysh jobada bastarynan ótken qıyndyq pen túrli tálkekke moıymaǵandardy kórsetýge tyrystym. Men olardy ómiri úshin, baqytty bolýy úshin kúresip júrgen qoǵamnyń tolyqqandy múshesi retinde kórsetýge umtyldym. Biz olarǵa qoldaý kórsetip, óz ortamyzǵa tartýymyz kerek», – deıdi Sanat Ońǵarbaev.
О́z kezeginde QR Densaýlyq saqtaý mınıstrliginiń JITB aldyn alý jáne kúresý jónindegi respýblıkalyq ortalyqtyń bas dırektory (JITB RO) Baýyrjan Baıserkın naýqastardyń kópshiligi esirtki paıdalaný arqyly AIV juqtyrǵanyn alǵa tartty.
– Adam ımmýntapshylyǵy vırýsynyń 50 paıyzdan astamy esirtki egý kezinde juǵady. Sebebi esirtkige táýeldiler ıneksııa úshin oǵan deıin AIV juqtyrǵan basqa adam qoldanǵan ınelerdi, shprıster men basqa da quraldardy paıdalanady. Sondyqtan esirtkini qoldanýdyń aldyn alý men tolyqtyrýshy em arqyly esirtkini baqylaýǵa alý – elimizde AIV juqtyrýdy birneshe ese tómendetedi, – deıdi Baýyrjan Baıserkın.
«Aman-saýlyq» qoǵamdyq qorynyń prezıdenti Baqyt Túmenova zııandy tómendetý tujyrymdamasyn qoldaný esirtkige táýeldi adamdardyń ómirin saqtap qalýda óte tıimdi dep sanaıdy. «Zııandy tómendetý tujyrymdamasy balama almastyrǵyshtardy paıdalaný ómirdi saqtap qalýǵa kómektespek. Mundaı jaǵdaıda metadon arqyly emdeý esirtkige táýeldilerge tolyqqandy ómir súrýge kómektesedi. «О́mirge arasha túsý» fotokórmesi – bul esirtki qurbanyna aınalýy múmkin halyqtyń barlyq toptaryna baǵyttalǵan óte mańyzdy jáne qajetti shara. Biz esirtkige táýeldi adamdardy shettetýge qarsy jumystardy ǵana júrgizip otyrǵan joqpyz, sonymen birge qoǵamnyń barlyq basqa toptaryna esirtki paıdalanýdyń óte qaýipti dert ekenin kórsetemiz», – dedi «Aman-saýlyq» qorynyń prezıdenti Baqyt Túmenova.
Aınash ESALI,
«Egemen Qazaqstan».
ALMATY
