Atalǵan baspa ulttyń etnıkalyq sıpattamalaryn eskere otyryp, aǵylshyn tiliniń zaman talabyna saı kommýnıkatıvti, ınteraktıvti jáne ınnovasııalyq baǵytta aǵylshyn tilinde oqýlyqtar shyǵarýdy kózdeıdi.
«Innovasııa» termıni aǵylshyn tiliniń «Innovation» degen sózinen shyqqan, ıaǵnı «jańalyqty engizý» uǵymyn bildiredi. XIX ǵasyrda mádenıettanýshylardyń zertteýinen paıda bolǵan, bir mádenıet túrlerin ekinshi el mádenıetine engizý degendi bildiredi.
Qazirgi tańda jańa pedagogıkalyq tehnologııalar túri óte kóp. Ony shet tili sabaǵynda tıimdi qoldaný muǵalimniń sheberligine baılanysty. Qoǵam talabyna saı shet tilderin oqytýda qoıylyp otyrǵan ortaq mindet – kommýnıkatıvti baǵytta oqytý. Maqsat – oqýshylardyń óz oılaryn jetkizýmen shektelip qana qoımaı, olardy ózara til tabysyp, pikir almasýǵa úıretý, óz jumysyna, toptaǵy nemese synyptas oqýshynyń jumysyna, jaýabyna synı turǵydan taldaý jasaı alý, óz oıyn qorytyndylaı bilý, ınteraktıvti jumys júrgizýge baýlý.
«Interactive» aǵylshyn tilinen aýdarǵanda «ortaq belsendilik» degen maǵynany bildiredi. Innovasııalyq oqytý tehnologııalarynyń bilim berý júıesin damytý isine bereri mol. Ony qoldaný oqýshynyń ózdiginen sabaqqa daıyndalý deńgeıin arttyrady, sondaı-aq oqý úderisin júrgizýdi qyzyqty etedi.
«MM publications» baspasy osy máselelerde ońtaıly jol usynady deýimizge bolady. Baspa óniminiń oqýlyqtary mazmuny jaǵynan oqýshylardyń shyǵarmashylyq jáne zertteýshilik qabiletin damytýǵa, buryn bolmaǵan kásibı daǵdylardy qalyptastyrýǵa, sabaqty ınteraktıvti túrde ótkizýine múmkindikter týǵyzady. Mysalǵa «Full Blast» oqýlyqtary orta mektep oqýshylarynyń HHI ǵasyr quzyretterin damytýǵa, zertteý jáne shyǵarmashylyq qabiletterin jetildirýge, óz aldyna maqsat qoıý arqyly ony júzege asyra bilýine, sondaı-aq óz áreketiniń nátıjelerin baǵalap úırenýine baǵyttalǵan. Kitapta qazaq halqynyń jáne basqa da elderdiń mádenıeti men ulttyq dástúrleri, qalalary men ádebıeti týraly taqyryptar nazardan tys qalmaıdy. Mádenıet tóńiregindegi taqyryptar oqýshylardyń aǵylshyn tilin úırene otyryp ulttyq sana-sezimin joǵaltpaýǵa kómektesedi. Al qyzyqty úı tapsyrmalary oqýshynyń ózdiginen sabaqqa daıyndalý deńgeıin arttyryp, oqý úderisin júrgizýdi jandandyrady. «MM publications» baspasy sonymen qatar balalarǵa jáne eresekterge arnalǵan oqý kýrstaryn, grammatıkalyq jáne leksıkalyq qujattardy, materıaldardy daıyndaýmen birge basqa da kóptegen materıaldy usynady.
Aıta keterlik jaıt, «MM publications» baspasy Eýropanyń, Afrıkanyń, Amerıkanyń, Aýstralııanyń jáne Azııanyń kóptegen elderinde jumys isteıdi. Kitaptardy daıyndaý barysynda baspa halyqaralyq standartqa saı jetildirilgen ádistemelerdi jáne AQSh, Kanada, Grekııa ǵalymdarynyń is-tájirıbelerin paıdalanady.
Aqmaral ShALǴYNBAEVA,
tálimger
