Onda depýtattar áskerı qyzmetshilerdiń tamaqtanýyn qamtamasyz etý boıynsha kórsetiletin qyzmetterdi «Memlekettik satyp alý týraly» Zańnyń qoldanylý aıasynan shyǵarýǵa baǵyttalǵan túzetý engizgen bolatyn.
Onyń ornyna mundaı kórsetiletin qyzmetterdi qazir mektepterde oqýshylardyń tamaqtanýyn qamtamasyz etý prosesinde jasalyp jatqandaı, erekshe tártippen satyp alý usynyldy.
Osy oraıda, Májilis Tóraǵasy N. Nyǵmatýlın bul usynystyń áskerı mekemelerge laıyqty ekenin alǵa tarta kelip:
- Biraqta, bul jerde bir úlken másele bar. Ol dempıng máselesi. Mysaly, tájirıbe kórsetkendeı, birqatar aýrýhanalarda, mektepterde osy dempıng baǵamen alynǵan tamaqtarda eshqandaı sapa joq. Erteń áskerı mekemelerde osyndaı jaǵdaı bolýy múmkin. Sondyqtan, osy mekemelerge (mektepterge, aýrýhanalarǵa, áskerı oryndarǵa) eshqashan dempıng baǵany qoldanýǵa bolmaıdy,-dedi.
Atalǵan áleýmettik nysandardy tamaqpen qamtamasyz etýde aldymen sapaǵa, odan keıin, baǵaǵa nazar aýdarý kerektigin basa aıtqan N.Nyǵmatýlın aıtylǵan usynysty ekinshi oqylymǵa deıin taǵy bir márte tyńǵylyqty qaraý kerektigin eskertti.
