Jıyn barysynda Sáýle Mektepbaeva EUCJ jobasynyń negizgi maqsaty Qazaqstan Úkimetine halyqaralyq standarttarǵa sáıkes qylmystyq sot tóreligin reformalaýǵa kómektesý ekenin alǵa tartty.
«Joba sheńberinde josparlanǵan mindetterden basqa, biz seriktesterge damý úshin tıimdi ózgeristerdi basqarý ádisnamasy men júıesin engizýge kómektestik. EUCJ – Bas prokýratýraǵa, Ishki ister mınıstrligine jáne tıisti akademııalarǵa ınstıtýsıonaldyq ózgerister salasynda saraptamalyq qoldaý kórsetetin alǵashqy joba. Jańa formattaǵy prokýratýra qurýǵa maqsat qoıǵan О́zgerister baǵdarlamasy nátıjesinde «Prokýratýra týraly» jańa zańda bekitilgen birqatar úlken ózgeris oryn aldy. «Quqyq qorǵaý qyzmetteri ortalyǵy», «Halyq qaýipsizdigi men quqyq qorǵaý organdaryna senim» zertteýi, «Azapsyz qoǵam» ortaq jobalary, kadrlyq jáne baılanystyq ózgerister júzege asyryldy. EUCJ jobasy IIM-ge polısııa modernızasııasy strategııasyn qurastyrýda jáne 27 bas jobany anyqtaýda qoldaý kórsetti. Joǵarǵy sotpen birlese atqarylǵan ortaq jumystyń nátıjesinde, sot júıesiniń damýy jáne kommýnıkasııalyq strategııa boıynsha 7 baǵdarlama ázirlendi. EUCJ-men seriktestik barlyq atalǵan úsh organǵa óz jobalyq keńselerin ashýǵa múmkindik berdi. Qazaqstandyq probasııanyń eń úzdik modelderin izdestirýde, QAJK zań buzýshylardan týyndaıtyn qaterdi baǵalaý júıesin jáne probasııa ofıserleriniń sotpen jumys isteý mehanızmderin alǵash ret EUCJ jobasy qoldaýymen synaqtan ótkizdi. Jalpy alǵanda, memlekettik organdardaǵy ózgeristerge qatysty baǵdarlamalar men jobalardy ázirleýge 60-tan asa joǵary bilikti EUCJ sarapshylary qatysty. Iri sosıologııalyq jáne empırıkalyq zertteýler júrgizildi. Sondaı-aq QAJK, Quqyq qorǵaý organdary akademııasyna jáne Ishki ister mınıstrliginiń Qostanaı akademııasyna oqytýǵa arnalǵan jańa jabdyqtar satyp alyndy», dedi jobanyń operasııalyq jetekshisi S.Mektepbaeva.
Al EUCJ jobasynyń strategııalyq jetekshisi Bıll Meızer qazaqstandyq seriktesteri – Joǵarǵy sot, Ishki ister mınıstrligi, Bas prokýratýra, Quqyq qorǵaý organdary akademııasymen jáne Ishki ister mınıstrliginiń Qostanaı akademııasymen kelisilgen jobanyń barlyq mindetterin merziminen buryn aıaqtaǵanyn jetkizdi.
Sarapshylar EUCJ jobasynyń osy jáne basqa da nátıjelerin, sot jáne quqyq qorǵaý júıesin odan ári damytýdyń strategııasyn 4 qazan kúni «Qazaqstandaǵy qylmystyq ádil sot keleshegi: izgilendirýden ózgeristerdi basqarýǵa ótý» taqyrybyndaǵy halyqaralyq konferensııada talqylaıdy.
Raýan QAIDAR,
«Egemen Qazaqstan»
