Din jolyndaǵy adasýshylyq – qaı qoǵamnyń bolsyn jan aýyrtar qaıǵysy. Dúıim eldi dúrliktirgen, birneshe adamnyń ómirin qıyp, 40-qa jýyq jergilikti turǵyndy jaralaǵan qandy oqıǵa – 2016 jyly 5 maýsymda bolǵan Aqtóbedegi teraktini negizge alǵan derekti týyndy avtorlary muraǵat materıaldaryna, japa shekkenderdiń týystarynyń, lańkestikten aman qalǵan jandardyń esteligine súıengen.
«Qazylar alqasy úsh fılmdi úzdik dep atady, onyń ishinde bizdiń de fılmimiz bar. Festıvaldyń bas júldesi reseılik «Forsaj» fılmine buıyrdy. «Senim jolynda» fılmin kórermen jaqsy qabyldady. Tipti keıbireýleri osyndaı jaǵdaılardyń (dinı ekstremızm men terrorızm) Qazaqstan jerinde oryn alǵany týraly estip tańǵaldy. Fılm eki jyl buryn jaryq kórgen-di. Festıvaldyń uıymdastyrýshylary fılmniń úzindilerin ǵalamtordan kórip, maǵan habarlasty. Sol úshin de uıymdastyrýshylarǵa alǵysymdy bildiremin», dedi rejısser Ásııa Baıǵojına.
«Eýrazııa.DOC» atty TMD elderiniń derekti kıno festıvali osymen úshinshi ret ótkizilip otyr. Bıyl festıvalǵa qatysýǵa 23 elden 150 fılm úmit bildirgen. Onyń ishinen negizgi baıqaýǵa 12 eldiń 24 derekti fılmi irikteýden ótken.
Baǵashar TURSYNBAIULY,
«Egemen Qazaqstan»
