Sharaǵa 250-den astam iri halyqaralyq korporasııalardyń ókilderi qatysty, olardyń qatarynda Backer & McKenzie, Shevron, GE Transportation Digital, RocketSpace Capital jáne t.b. bar.
Konferensııanyń ashylýynda Qazaqstan tarapynan QR Premer-Mınıstriniń orynbasary Asqar Jumaǵalıev alǵy sóz sóıledi. Amerıka Qurama Shtattary qashan da Qazaqstannyń strategııalyq mańyzdy seriktesi boldy. Amerıka men Qazaqstan 26 jyl ishinde ózara senimniń, seriktestiktiń teńdessiz deńgeıine qol jetkizdi.
«Búgin men osy jerge óte mańyzdy mıssııany – Aq úıde eki eldiń kóshbasshylary qol qoıǵan kelisimderdiń oryndalýyn qamtamasyz etýge keldim. Qazirgi tańda elderimiz úshin qalyptasyp jatqan oń úrdisterge súıenip, ınnovasııalar men bilim salasyndaǵy jobalarǵa kóshýdiń ýaqyty jetti. Sońǵy birneshe jylda Qazaqstan reformalardyń eleýli baǵdarlamasyn aıaqtady, bul iskerlik jáne ınvestısııalyq ahýaldy jaqsartýǵa, sondaı-aq, elimizdi aımaqtyq ári jahandyq saýda salasyna kiriktirýge jol ashty», — dedi QR Premer-Mınıstriniń orynbasary.
Qazaqstannyń aqparattyq tehnologııalar, ken óndirý jáne metallýrgııa, mashına jasaý, aýyl sharýashylyǵy tárizdi ekonomıkanyń shıkizattyq emes sektorlarynda, sonymen qatar, azyq-túlik, hımııa jáne munaı hımııasy ónerkásibinde perspektıvalary zor. Qazaqstanda ártaraptandyrylǵan, bilimge negizdelgen ekonomıkaǵa kóshý turǵysynan sıfrlandyrý baǵdarlamasy belsendi túrde engizilip jatyr. «Sıfrlyq Qazaqstan» memlekettik baǵdarlamasy aıasynda adam kapıtalyn damytý, sıfrlyq úkimet pen sıfrlyq ekonomıkany qurý, elimizdiń barlyq túkpir-túkpirin keń jolaqty baılanys jelisimen qamtamasyz etý, sondaı-aq, ınnovasııalyq ekojúıeni qoldaý boıynsha túrli sharalar qabyldanyp jatyr.
«Memleket basshysy N. Nazarbaevtyń bastamasymen biz halyqaralyq AT-startaptar tehnoparkin qurdyq (Astana Hub). Bul AT-kompanııalar, ınvestorlar men basqa da tulǵalar úshin sıfrlyq damýdy qoldaýdaǵy biregeı múmkindik. Onyń resmı ashylýy bıylǵy jyldyń 5 qarashasyna josparlanyp otyr. Men sizderdi osy mańyzdy oqıǵaǵa shaqyrǵym keledi. Amerıkalyq seriktesterimizdi bizdiń aýqymdy josparlarymyzdy barynsha paıdalanýǵa shaqyramyz. Biz ınvestısııalyq yntalandyrý men memlekettik qoldaýdy paıdalanýǵa, Qazaqstanǵa ınvestısııalar salýǵa ázir barshany qýana qoldaımyz», — dedi A. Jumaǵalıev.
Sonymen qatar, konferensııa alańynda QR Premer-Mınıstriniń orynbasary A. Jumaǵalıev Chevron kompanııasynyń Eýropa, Eýrazııa jáne Taıaý Shyǵys aımaqtaryndaǵy barlaý men ken óndirý jónindegi prezıdenti T. Levımen, Theia Group kompanııasynyń bas atqarýshy dırektory C. O’Nıllmen, Baron Services kompanııasynyń atqarýshy vıse-prezıdenti R. Baronmen, RocketSpace Capital kompanııanyń teń ıesi L. Kaganmen, Network 1 Financial kompanııasynyń bas atqarýshy dırektory R. Hantomspen, W.R. Grace kompanııasynyń tóraǵasy jáne bas atqarýshy dırektory K. Koýlmen, sonymen qatar Verno Capital kompanııasynyń ınvestısııalar jónindegi bas strategi R. Neshpen birqatar ekijaqty kezdesýler ótkizdi. Energetıka, kólik jáne logıstıka, aqparattyq tehnologııalar jáne saýda salasyndaǵy yntymaqtastyq perspektıvalary talqylandy. Qazaqstandyq taraptan kezdesýlerge sonymen qatar Qazaqstan Respýblıkasynyń Amerıka Qurama Shtattaryndaǵy Tótenshe jáne ókiletti elshisi E. Qazyhanov, QR ınvestısııalar jáne damý vıse-mınıstri A. Qabykenov, QR energetıka vıse-mınıstri B. Aqsholaqov, «Kazakh Invest» UK» AQ» basqarma tóraǵasy S. Tuıaqbaev, «TDUA» AQ basqarma tóraǵasy M. Omarov jáne basqalary qatysty.
Konferensııa barysynda «Astana» halyqaralyq qarjy ortalyǵynyń basqarýshysy Q. Kelimbetov AHQO-nyń jumys isteı bastaýyn jáne Kazakh Invest-tiń ınvestorlarǵa qoldaý kórsetýge baǵyttalǵan halyqaralyq jáne aımaqtyq ókildikter jelileriniń damyp kele jatqanyn eskere otyryp, sharaǵa qatysýshylarmen Qazaqstanda halyqaralyq bıznesti júrgizý jáne damytý úshin bar múmkindikterdi talqylady.
Forým qorytyndysy boıynsha birqatar kelisimderge kelý kózdelip otyr.
