Oǵan Qazaqstannyń jáne Germanııa, Qytaı, Túrkııa, Avstrııa, Serbııa, Polsha, Reseı, Belarýs, О́zbekstan, Ázirbaıjan syndy alys-jaqyn shetelderden kelgen dárigerler qatysty. Aıta ketý kerek, konferensııaǵa sondaı-aq,trafmotolog-ortopedterdiń azııalyq-tynyqmuhıttyq qaýymdastyǵynyń prezıdenti professor Mahmut Doral (Ankara, Túrkııa) da qatysýda. Atalmysh qaýymdastyqqa resmı túrde 115 myń travmatolog-ortoped tirkelgen.
- Prezıdentimiz Nursultan Ábishuly Nazarbaev táýelsizdik alǵan alǵashqy kúnderden bastap qazaqstandyqtardyń densaýlyǵyn qorǵaýǵa nazar aýdaryp keledi. Buǵan qabyldanyp jatqan zańdar, memlekettik baǵdarlamalar, densaýlyq saqtaý salasyn damytýǵa qyrýar qarjy bólinip jatqandyǵy dálel. Astana men Almatynyń, oblys ortalyqtarynyń medısınalyq mekemeleri zamanaýı jabdyqtarmen jabdyqtalǵan. Basty suraq – medısına qyzmetkerleriniń kásibıligin jetildirý de basty nazarda. Biz atalmysh konferensııanyń óńirimizdegi travmotologııalyq qyzmetti damytýǵa qosymsha serpin beretinine senimdimiz, dep atap ótti oblys ákimi.
Konferensııa aıasynda Aqtóbede sheberlik sabaqtary ótkizilip, tirek-qozǵalý apparatynyń túrli aýrýlarymen syrqattanatyn jeti emdelýshige ota jasaý josparlanyp otyr. «Baqytty bala» aksııasy aıasynda úsh balaǵa ota jasaldy. Sonyń ishinde omyrtqa plastıkasyna jáne iri býyndardy endoprotezdeý kezindegi asqynýlarǵa ota jasalady.
Temir QUSAIYN,
«Egemen Qazaqstan»
