Shymkent qalasynan Parlament Senaty depýtattarynyń saılaýyna barlyǵy 6 kandıdat qatysty, zańǵa sáıkes, onyń ekeýin qalalyq máslıhat, tórteýi ózin-ózi usyndy. Daýys berýge 29 tańdaýshynyń, 26-sy qatysty.
Ortalyq saılaý komıssııasynyń resmı saıtynda jarııalanǵan aldyn-ala nátıje boıynsha 2017 jylǵy 28 maýsymda saılanǵan depýtattardyń ókilettik merzimine 22 daýyspen Nýrlan Beknazarov, al 2014 jylǵy 1 qazanda saılanǵan depýtattardyń ókilettik merzimine 21 daýys jınaǵan Darhan Satybaldy saılandy.
Saılaý prosesin Eýrazııa Ulttyq Ýnıversıtetiniń saıasattaný mamandyǵynyń magıstranttary men baspasóz ókilderi Ortalyq saılaý komıssııasynyń resmı saıtynan elektrondy baqylady.
«Zańǵa sáıkes máslıhat depýtattary tańdaǵan 2 kandıdattyń biri 2020 jylǵa deıin, ekinshisi 2023 jylǵa deıin saılanady jáne ózderińiz kórip otyrǵandaı, osy jyly da saılaý prosesin elektrondyq súıemeldeý qyzmeti qoljetimdi. Bul - saıası prosestiń halyq aldyndaǵy ashyqtyǵyn kórsetetin júıe. Esterińizde bolsa, saılaýshylardy elektrondy tirkeý aldyńǵy jyly 28 maýsymda ótken Senat depýtattarynyń saılaýynda alǵash qoldanylǵan edi» - dedi OSK saılaý bóliminiń meńgerýshisi Maqsathan Anapın.
Zań boıynsha, Parlament depýtatynyń ókilettigi ony Respýblıkanyń Ortalyq saılaý komıssııasy Parlament depýtaty retinde bekitken sátten bastalady.
Eske sala keteıik, búgingi saılaý Qazaqstan Respýblıkasy Prezıdentiniń 2018 jylǵy 9 tamyzdaǵy №731 Jarlyǵymen taǵaıyndalǵan.
Qarlyǵash QURAMYS,
«Egemen Qazaqstan»
