Elbasy Joldaýy – biz úshin jańa beles. Qazaqstan Respýblıkasynyń kemel keleshegin baǵdarlaıtyn, dúnıejúzilik deńgeıde óziniń bedelin asqaqtatyp kórsetetin negiz jáne Qazaqstan Respýblıkasynyń damýynyń jańa kókjıekterin belgileýmen qundy.
Egemendi baıtaq elimiz Qazaqstan búginde damýdyń dańǵyl jolyna tústi, halyqaralyq dárejede tanylýdyń jańa sapalyq deńgeıine kóterildi. Memleket barlyq baǵytqa óz tarapynan barynsha qoldaý kórsetip keledi. Elbasy Joldaýda «5 jyl ishinde bilim, ǵylym, densaýlyq saqtaý salalaryna barlyq kózderden jumsalatyn qarajatty ishki jalpy ónimniń 10 paıyzyna deıin jetkizý qajet» dedi. Bul otandyq bilim men ǵylymǵa jáne densaýlyq saqtaý salalaryna ǵalamat serpin beretin faktor.
Elbasynyń bastamasymen ashylǵan L.N. Gýmılev atyndaǵy Eýrazııa ulttyq ýnıversıteti búginde álemdik kóshbasshy JOO-nyń biri.
(QS reıtıngisi boıynsha ýnıversıtet jas JOO ishinde álemdik kóshbasshy TOP-50-diń qatarynda, Shyǵys Eýropa men Ortalyq Azııa elderiniń «QS: EECA» óńirlik reıtınginde 24-orynǵa kóterildi).Ýnıversıtettiń mundaı álemdik deńgeıdegi jetistikterge jetýi - Elbasynyń dástúrli Joldaýlarynyń árqaısysynyń naqtylanǵan maqsat-mindetterin, baǵyt-baǵdaryn baǵamdap oryndaý nátıjesi dep bilemiz.
Prezıdenttiń bes bastamasynda qarastyrylǵan joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý tapsyrmasy boıynsha ýnıversıtetimiz júıeli jumysty bastap ta ketti. Bıylǵy oqý jylynda memleket tarapynan qosymsha 20 myń grant bólinip, osy grant ıegerleriniń kóbi Eýrazııa ýnıversıtetin tańdady. «Biz granttardyń sanyn kóbeıttik, endi jaýapkershiliktiń kezeńi keldi» dedi Elbasy búgingi Qazaqstan halqyna arnaǵan Joldaýynda. Eń bastysy, «Kelesi jyly «Pedagog mártebesi týraly» zańdy ázirlep, qabyldaý qajet dep sanaımyn» dedi.
Elbasynyń «Rýhanı jańǵyrý: bolashaqqa baǵdar» atty baǵdarlamalyq eńbeginiń aıasynda ýnıversıtet – «Rýhanı jańǵyrýdyń» tutastaı ǵylymı-ádistemelik alańyna aınaldy. Ýnıversıtet ǵalymdary «Álemdik 100 oqýlyqty aýdarý», «Sıfrly Qazaqstan», «Qazaqy latyn qarpi» jobalaryn oryndaýǵa atsalysyp keledi. Bir ǵana osy maqala aıasynda bizdiń bilim ordamyzda myńdaǵan sharalar ótti jáne ol aldaǵy ýaqytta óz jalǵasyn taba bermek.
Ýnıversıtet ujymy Qazaqstan Respýblıkasynyń halyqaralyq arenada jan-jaqty damyǵan, senimdi, turaqty, bedeldi, beıbit el retinde tanylýyna bar kúsh-jigerin salyp, atsalysady. Elbasy oqý ornynyń sapasy týraly óte jaqsy aıtty. Otandyq oqý ornynyń sapasy ony bitirýshilerdiń laıyqty jumysqa ornalasýy kórsetkishimen ólshense, Elbasy aıtqandaı bul zor yntalandyrý bolmaq. Joǵary oqý ornynyń tabystylyǵyn baǵalaýdyń basty krıterııi – oqý bitirgen stýdentterdiń jumyspen qamtylýy, jalaqysy joǵary jumysqa ornalasýy ekenin eske sala otyryp, joǵary oqý oryndaryn irilendirý saıasatyn júrgizý qajettigine toqtaldy. «Naryqta joǵary sapaly bilim berýdi qamtamasyz etetinderi ǵana qalýǵa tıis. Nazarbaev Ýnıversıtetiniń tájirıbesine súıenip, úzdik sheteldik top-menedjerlerdi jumysqa tartý arqyly álemniń jetekshi ýnıversıtetterimen áriptestik ornatý mańyzdy» dedi Prezıdent.
Táýelsizdigimizdi saqtap, memleketimizdi órkendetý jolynda Elbasy aıqyndaǵan strategııalyq baǵytty árdaıym ustansaq, uly isterdi, jetistikterdi keıingi urpaqqa úlgi etip jalǵastyrarymyz aqıqat. Bul – Qazaqstan Respýblıkasynyń árbir azamatynyń mindeti.
Kelesi jyldy «Jastar jyly» dep jarııalaýdy usynǵan Elbasynyń búgingi Joldaýy – bir kúnde aıtyla salǵan áńgime emes, bul eldiń bolashaǵy úshin tereńnen tolǵanyp sheshilgen óte mańyzdy tarıhı qujat. Sondyqtan da, Elbasy Joldaýyn ýnıversıtet jastary da muqııat tyńdady, endi el bolyp qoldaý bildireıik. Sonda ǵana bizdiń Qazaqstan ata-babamyz armandaǵan qýatty elge aınalary sózsiz.
Erlan SYDYQOV,
L.N.Gýmılev atyndaǵy Eýrazııa ulttyq ýnıversıtetiniń rektory
