Elbasymyz Nursultan Ábishuly Nazarbaevtyń jyl saıynǵy Joldaýy – tarıhı qujat. Sebebi árbir Joldaý – egemen elimizdi odan ári damytýdyń, bıik tabystarǵa jetkizýdiń strategııalyq joly.
Sonyń ishinde bıylǵy Joldaý Elbasymyz Nursultan Ábishuly Nazarbaevtyń Qazaqstanymyz táýelsizdik alǵan kúnnen bastap júrgizip kele jatqan syndarly saıasatynyń zańdy jalǵasy bolyp tabylady. Ol búkil halyqtyń, árbir shańyraqtyń, árbir azamattyń jaǵdaıyn jaqsartýǵa arnaldy.
Onda eń aldymen áleýmettik salanyń barlyq baǵytyn qoldaýdyń mańyzdy mindetteri, sonymen birge otbasy, turǵyn úı, shaǵyn bıznes, eńbekaqy, jastar, aýyl sharýashylyǵy, quqyq qorǵaý júıesin jańǵyrtýdyń joldary kórsetildi. Eń bastysy – olardyń barlyǵy oryndalatyn, naqty jáne qajetti maqsattar.
Bul – Prezıdentimizdiń bolashaqty boljaıtyn kóregen saıasatynyń, batyl qadamdarynyń, strategııalyq tereń oıshyldyǵynyń taǵy bir naqty kórsetkishi. Oǵan jetken jetistikterimizdi saqtap, olardy odan ári kúsheıtýdiń úlken múmkindikterin kórsetip bergen, bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýy naqty dálel deýge bolady. Onyń júktegen mindetter men maqsattar aýqymy óte zor.
Bul joly da áleýmettik baǵyt Joldaýdyń ózegine aınaldy. Áleýmettik jańashyldyqtarmen qatar, Joldaýda myqty ekonomıkalyq serpin de bar. Onda halqymyzdyń ál-aýqatyn kóterýdiń, básekelestikti kúsheıtý men ósýdiń turaqty qarqynyn qoldaýdyń aıqyn joldary kórsetilgen. Bul – árbir qazaqstandyq úshin, árbir otbasy úshin mańyzdy.
Osyndaı shynaıy is-josparǵa qurylǵan, halqymyzdyń, elimizdiń ıgiligin kózdeıtin, irgeli isterge jol ashatyn Joldaýdy júzege asyrýǵa belsene qatysý – barshamyzdyń, árbir azamattyń abyroıly mindeti.
Bul bizdiń depýtattyq korpýstyń zań shyǵarý jumysynyń da eń basty baǵyty ekeni sózsiz.
Qazirgi ýaqytta aldaǵy úsh jyldyqqa arnalǵan bıýdjet jobasy Májilistiń qaraýyna engizilgen. Osy qujatpen jumys barysynda depýtattar Elbasy Joldaýynyń basymdyqtaryn basshylyqqa ala otyryp, eń aldymen, áleýmettik sektorǵa, qaýipsizdik pen ınfraqurylymǵa qarajat qarastyratyn ózgerister engizetin bolady.
Sondyqtan bıylǵy Joldaý alǵa qoıǵan maqsat-murattar tabysty júzege asatynyna senimimiz zor.
