Foto: astana.gov.kz
Ustazdarǵa arnalǵan merekelik shara óner juldyzdary men elordalyq qosymsha bilim berý mekemeleriniń shyǵarmashylyq ujymdarynyń óner kórsetýimen bastaldy. Eń aldymen sóz alyp, ustazdardy kásibı merekesimen quttyqtaǵan Bilim jáne ǵylym mınıstriniń orynbasary Elmıra Sýhanberdıeva «QR bilim berý isiniń qurmetti qyzmetkeri» jáne «Y.Altynsarın» tósbelgisi ıegerlerin marapattady.
«QR bilim berý isiniń qurmetti qyzmetkeri» tós belgisin №81 «Astana English School» mamandandyrylǵan gımnazııa dırektorynyń oqý isi jónindegi orynbasary Záýre Jylybaeva, Astana qalasy Daryndy er balalarǵa arnalǵan «Bilim-ınnovasııa» lıseı-ınternatynyń tarıh páni oqytýshysy Gúlnár Rahımova, Tehnıkalyq shyǵarmashylyq ortalyǵynyń dırektory Qanat Ábdirashıtov, «SOS Astana balalar aýyly» bilim berý mekemesiniń dırektory Záýresh Arystanova, №3 mektep-gımnazııanyń fransýz páni muǵalimi Inna Ahmetova, «NURORDA» mektep-lıseıi dırektorynyń oqý isi jónindegi orynbasary Merýert Begimbaı aldy.
«Y.Altynsarın» tósbelgisi №76 «Ádemi» balabaqshasynyń meńgerýshisi Maral Ahmetova, Oqýshylar saraıynyń ádiskeri Qymbat Irgebaeva, Balalar men jasóspirimderdiń týrızm jáne ólketaný ortalyǵy dırektorynyń orynbasary Galına Shaıahmetova, Ekonomıkalyq lıseı dırektory Baqytgúl Syzdyqova, №66 mektep-lıseıiniń bastaýysh synyp muǵalimi Svetlana Bastemova sııaqty úzdikterge tabystaldy.
«Astana qalasynda bilim salasyndaǵy jetistikter óte kóp. Elorda mektepteri olımpıadalyq jarystarda 12 jyldan beri birinshi oryndy eshkimge bermeı kele jatyr. Osyndaı daryndy shákirtterdi tárbıelep jatqan ár birińiz erekshe qurmetke laıyqsyzdar. Qazirgi tańda elordanyń bilim oshaqtarynda 16 myńnan astam ustaz jumys isteıdi eken. Bilim salasyndaǵy eń úlken, tyń bastamalardyń barlyǵy bas qaladaǵy mektepterden bastalyp jatady», degen Astana qalasy ákiminiń orynbasary Ermek Amanshaev bilim berý salasyna eńbegi sińgen ustazdarǵa páter kiltin tabystady.
Atap aıtqanda, №1 «Báıterek» balabaqshasynyń tárbıeshisi Nábıra Ábdirahmanova, №45 «Qulpynaı» balabaqshasynyń tárbıeshisi Aıgúl Ahmedııarova, №54 «Nur-Aı» bala baqshasynyń ádiskeri Shuǵa Hamıtova, №74 «Dáýren» balabaqshasynyń meńgerýshisi Gaýhar Meıirmanova, №13 orta mekteptiń qazaq tili men ádebıeti pánderi muǵalimi Gúlnázııa Túsekova, №29 orta mekteptiń ınformatıka páni muǵalimi Erkin Hamıtov, №49 orta mekteptiń bıologııa páni muǵalimi Baqytgúl Lekerova, №68 orta mekteptiń matematıka páni muǵalimi Jadyra Daırabaı, Energetıka jáne baılanys kolledjiniń arnaıy pánder oqytýshysy Aıjan Raıysova, №2 psıhologııalyq-medısınalyq-pedagogıkalyq kabınet meńgerýshisi Gúlnara Ábeldınova jańa baspanaǵa ıe boldy.
Aıta keterligi, búgingi tańda Astana qalasynyń oqý ordalarynda 16 000-nan astam muǵalim jumys isteıdi, olardyń 85,9 prosentiniń joǵary bilimi bolsa, joǵary jáne birinshi sanattaǵy muǵalimder sany 2007-2008 oqý jylynda 3530-dy, 2017-2018 oqý jylynda 7949-dy kórsetken. Sońǵy bes jyl ishinde 2000 pedagog jumystaǵy joǵary kórsetkishi úshin marapattalǵan eken. Onyń 130-y tósbelgimen marapattalsa, 137-si memlekettik nagradalarǵa qol jetkizgen. Al 250 ustaz Bilim jáne ǵylym mınıstrligi atynan qurmet gramotalary men alǵys hattarǵa ıe bolǵan. Jyl saıyn «Astana qalasy bilim berý salasynyń altyn qory» kitabyna ónegeli ustazdardyń esimderi tirkeledi. Qazirgi ýaqytta kitapqa 86 muǵalimniń esimi engen.
Maıgúl SULTAN,
«Egemen Qazaqstan»
Sýretter Astana ákimdiginiń resmı saıtynan alyndy
