Otyrys barysynda qazaqstandyq delegasııa Sırııadaǵy daǵdarysty saıası turǵydan, sonyń ishinde sırııalyq konstıtýsııalyq komıtetin qurý arqyly sheshýge shaqyrdy.
«Sırııalyqtar ózderi ǵana halyqaralyq qaýymdastyqtyń qoldaýymen sırııa eliniń bolashaq saıası júıesin qurýyn bastaý kerek», - dep Qazaqstannyń BUU janyndaǵy turaqty ókiliniń orynbasary Qanat Tumysh atap ótti.
Qazaqstan barlyq qyzyǵýshylyq tanytqan taraptardy 17 qyrkúıekte Astana prosesiniń kepil memleketteri Reseı men Iran qol qoılǵan Sırııa Idlıbtegi deeskalasııa aımaǵynda jaǵdaıdy turaqtandyrý týraly Memorandýmdy júzege asyrýda yntymaqtastyqty damytýǵa, sondaı-aq eldiń barlyq jerlerine eń qysqa baǵytymen qaýipsiz jáne kedergisiz gýmanıtarlyq qol jetkizýdi qamtamasyz etýge shaqyrdy.
Qaýipsizdik Keńesiniń otyrysynda qarasha aıynyń sońynda óz qyzmetinen ketýge nıetti ekenin jarııalaǵan BUU Bas hatshysynyń arnaıy ókili Stafan de Mıstýranyń Sırııadaǵy daǵdarysty sheshý boıynsha jumysyna joǵary baǵa jáne rızashylyq bildirildi.
S. de Mıstýra óz mandatynyń aıaqtalýyna deıin jańa konstıtýsııa jobasyn ázirleý úshin sırııalyq komıtetin qurý jónindegi qarqyndy sharalardy qabyldaıtynyna jáne qazan aıynyń sońyna qaraı Astana prosesiniń kepil memleketterdiń ókilderin Jenevaǵa Sırııa boıynsha kezdesýge shaqyrady dep sendirdi.
Basqa elder delegasııalary Sırııadaǵy daǵdarysty sheshý jónindegi arnaıy ókili S. de Mıstýranyń kúsh-jigerine ózderiniń oń baǵasyn berip, rızashylyǵyn bildirdi. Jalpy, Sırııadaǵy soǵysty toqtatý úshin ony sheshýdiń ınnovasııalyq óńirlik paradıgmasyn jáne Jeneva men Astana prosesterin qoldaǵany mańyzdy dep aıtyldy.
Astanada Sırııadaǵy jaǵdaıdy retteý úshin toǵyz raýndtan turatyn kelissózder ótti. Qazaqstan elordasynda ótken kezdesýlerdiń basty nátıjesi eldegi zorlyq-zombylyq deńgeıin edáýir tómendetetin deeskalasııa aımaqtaryn qurý boldy.
