Halyq arasynda sydyrma mashına dep tanylǵan Road Zipper alyp mashınasy kólik keptelisin birneshe mınýtta seıilte alady. Konstrýksııasy 1984-85 jyldary bastalǵan mashına búginde álemdegi birqatar memlekettiń jol qozǵalysy máselesin sheship júr. Alǵash ret 1990 jyly halyqqa jol tartyp, Oklendtegi kópirlerdiń birinde paıdalanyla bastaǵan.
Qurylys jumystaryna da tıimdi mashına 450 kelilik barıkadtary arqyly kólik aǵyny kúsheıgen baǵytty keńeıtip, jol qozǵalysyn júıeleı alady. Úlken qalalardyń dertine aınalǵan máseleni sheshýshi qurylǵy quny – 30 mıllıon AQSh dollary.
Atalmysh júıeni Kıevtiń Paton kópirine de engizý jospary bar. Kıev ákimshiligi tóraǵasynyń orynbasary Ilıa Sagaıdaktyń aıtýynsha, Road Zipper júıesin qoldaný memlekettiń transport shyǵynyn 12,5 mıllıonan 26,2 mıllıon AQSh dollaryna deıin únemdeıdi eken. Tek ekonomıkalyq emes ekologııalyq paıdaly mashına aýaǵa kómirqyshqyl gazynyń bólinýin 4993 kıloǵa deıin azaıtady. Ol shamamen 555 mashınanyń bir kúndik kómirqyshqyl gazyn bólý kórsetkishine teń. Sonymen birge, Road Zipper kólik soqtyǵysyn azaıtyp, jol apatyn aldyn alady.
Road Zipper San-Fransıskonyń «Altyn qaqpa», San-Dıegonyń «Koronado», Vashıngtondaǵy «Teodor Rýzvelt», Jańa Zelandııadaǵy «Harbor-Brıdj», Sıdneıdiń «Harbor-brıdj», Nıý-Iork qalasyndaǵy «Gowanus Express» kópirlerindegi qozǵalysty rettep júr.
