Álem chempıonatynyń shırek fınalynda Qazaqstan Germanııa quramasyn 5:1 jeńip, jartylaı fınalǵa joldama aldy. Alaıda, jartylaı fınalda Brazııalııa quramasyna 1:5 esebimen jeńilip, jarystyń qola júldesi úshin kúresýge múmkindik alǵan bolatyn.
Aralas komandalyq saıysta Qazaqstan jastar qurama sapynda Arslan Esengel, Narbaev Baýyrjan, Ańsarbek Ǵaınýllın, Janbolat Baǵtbergenov, Erasyl Bolat, Dinahmet Ryssymbek, Sanjar Jabbarov, Ǵalııa Tynbaeva, Aqmaral Naýatbek, Aıda Karchaeva, Móldir Narynova jáne Kamıla Berliqash kúresti.
Esterińizge sala ketsek, 17-21 qazan kúnderi Nassaý qalasynda (Bagama araldary) dzıýdodan jastar arasynda Álem chempıonaty ótti. Álemniń 67 elinen 500-ge jýyq jas tatamı sheberi qatysty. Jyldyń eń mańyzdy baıraqty básekesinde Qazaqstan quramasynyń qorjynyna eki qola júlde tústi. Osyǵan deıin 73 keline deıingi salmaqta el namysyn qorǵaǵan Janbolat Baǵtbergenov qola júldeger atansa, búgin aralas komandalyq saıysta Qazaqstan quramasy taǵy bir qolany jeńip aldy.
