QR QK 293 bap 2 tarmaq jáne 107 bap 2 tarmaq boıynsha sotqa deıingi tergeý júrgizilýde.
«Qylmystyq istiń materıaldary boıynsha, qaqtyǵystyń sebebi qonaq úı kúzetshisi joǵaryda atalǵan mekemege ishimdikke toıyp alǵan eki er adamdy kirgizýge bas tartqandyǵynan týyndaǵan. Buzaqylar janjal shyǵaryp, artynsha kúzetshini ura bastaǵan. Nátıjesinde, jábirlenýshi – 1989 jyly týylǵan A. esimdi azamat muryn jáne qoldyń synyqtarymen aýrýhanaǵa jetkizildi. «Izin sýytpaı» jedel-izdestirý is-sharasy barysynda eki kúdikti ustaldy. Ol – 1993 jyly týylǵan Almaty qalasynyń turǵyny L. esimdi azamat jáne 1990 jylǵy Reseı Federasııasynyń turǵyny D. esimdi azamat. Eki kúdikti de ýaqytsha ustaý ızolıatoryna qamaldy. Tergeý jalǵasýda», dep aıtty, Almaty qalasy Bostandyq aýdandyq polısııa basqarmasy bastyǵy, polısııa podpolkovnıgi Daýren Ýtebaev.
О́ndiris sheńberinde sot-medısınalyq saraptamasy taǵaıyndaldy. Osy saraptamanyń qorytyndysy boıynsha qylmystyq istiń materıaldary sotqa jiberiledi.
