Otyrysqa, sondaı-aq Bas prokýrordyń orynbasary M.Ahmetjanov pen IIM Qylmystyq-atqarý júıesi komıtetiniń tóraǵasy A.Bazylbekov qatysyp, bas bostandyǵynan aıyrý oryndaryndaǵy adam quqyqtaryn qamtamasyz etýdiń ózekti máselelerin talqylady.
Úılestirý keńesiniń qaraýynda Bas prokýror tapsyrmasy boıynsha Almaty oblysynyń penıtensıarlyq mekemelerine júrgizilgen tekserýdiń qorytyndysy boldy. Onda sottalǵandarmen qatygez qarym-qatynas jasaý, mekeme qyzmetkerleriniń zańsyz is-áreketterin jasyrý maqsatynda olarǵa qysym kórsetý faktileri rastalǵan.
Osy máselege baılanysty Úılestirý keńesi IIM basshylyǵynyń aldynda kináli adamdardy jazalaý qajettigi máselesin qoıdy.
Úılestirý keńesiniń músheleri aldyn ala anyqtalǵan faktilerdiń negizinde túzeý mekemelerinde arnaıy quraldardy qoldaný arqyly qatygezdik qaýpiniń joǵary faktorlary bolýyn atap ótti. Osy jaǵdaıdy eskere otyryp, sottalǵandardy kolonııalarda tintý jáne etap kezeńinde qabyldaý týraly is-sharalardy júrgizýge UAT qatysýshylaryn tartý tájirıbesin engizý jóninde sheshim qabyldandy.
Tutastaı alǵanda, ulttyq aldyn alý tetiginiń IIM QAJK-men ózara is-qımylyndaǵy oń dınamıka atap ótildi, bul týraly penıtensıarlyq mekemeler ákimshilikteriniń olarǵa UAT qatysýshylarynyń kirýine kedergi keltiretin jaǵdaılardyń barynsha azaıýy kýálandyrady.
Osy turǵyda Úılestirý keńesiniń halyqaralyq sarapshylarmen birlesip quqyq qorǵaý organdarynyń qyzmetkerleri úshin tıisti trenıngter ótkizý jónindegi róli joǵary baǵalandy.
«Egemen-aqparat»
